السلام عليكم ورحمة الله وبركاته جمعه مباركه نصيحه حطوها حلقه بأذنكم بخصوص الكحه وقت الحمل الحمدلله ولدت الشهر الماضي لكن فيه امر مهم ابيكم تنتبهون له جاتني كحه على آخر أيام ذو الحجة واستمرت لي لشهر محرم كانت كحه شديييدة ومتعبه لدرجه اظل طول الليل مااقدر انام من الكحه ورغم اني كلمت الدكتوره اللي اراجع عندها ان الكحه قويه عندي وسألتها هل تأثر على الحمل قالت كللش لا طلبت منها تصرف دواء كحه ورفضت قالت مايصلح للحامل وبيوم 6 محرم تقريباً بعد ماقمت من النوم رحت دوره المياه الله يكرمكم وفضيييت المثانه كليا لكن بديت اكح بقوه وما اقدر اقوم من مكاني وانا جالسه جلسه الحمام اللي زي جلسه القرفصاء ويوم وقفت كحه وقفت والا يتسرب ماي الجنين حوالي نص كاس ووقف الحمدلله انصدمت اطالع واركز الا هوو رحت الطوارئ للأسف ماعرفت لي الدكتوره وقالت لا مش مويه الجنين وحطوا تخطيط لكن ما فاد بسبب اني اكح بقوه فيعطي قراءات غلط وطلعت بعدها بعشر ايام تقريبا كان عندي موعد والدكتور عمل لي سونار قال المويه ناقصه بعدها قال لا كويسه وحجز لي موعد بعد هالموعد بأسبوع رحت ودخلت على دكتوره بس خلصت من السونار قالت الماي قليل واحين تنويم ولادة فحطوا لي طلق صناعي وولدت الحمدلله ياليت تنتبهونن من امر الكحه تراها مو شئ هين