العضوة: 2214308 , 3 weeks ago

@user-2194206 اايه مزال عندك وقت باه يغير وضعية انتاعه البيبي

العضوة: 2194206 , 3 weeks ago

لازملي نولي كيما كنت انقص الدروج او ڨاع جاءرمضان اتهردت او كي رحت للطبيبة قالتلي بلي طلعت او البيبي مليح ايا زدت كثر وليت غي طالعة هابطة مانساعف ماوالو

العضوة: 2131693 , 3 weeks ago

@user-2194206 انا تاني كنت كيما نتي مي الحل الوحيد هي الراحة ألونجي باش الغريان ياخض راحته وهو كيدور إطلع المشيمة فوق

العضوة: 2214308 , 3 weeks ago

@user-2194206 كوراج اختي ربي اسلك وسلكنا علا خير

العضوة: 2194206 , 3 weeks ago

@user-2214308 قصدك نحبي كيما الطفل ههه شحال نقعد ندير هذا الحركة

العضوة: 2214308 , 3 weeks ago

@user-2194206 ايه احبي كما الطفل مدة 10 دقائق او 15 دقيقة ثلاثة ربع مرات في اليوم اتساعدك بزاف المشيمة تطلع البيبي ينزل

العضوة: 2108393 , 3 weeks ago

@user-2194206 علابالي بالحبل الصري وشنو هو برك مافهمتكش كي قلتي داير بصح على ما أظن انو سكر الحمل هو لي يخلي الحبل يدور حول الرقبة بصح شفت فيديوهات بزاف يزيدوهم سيزاريان ويجبدوهم لاباس عليهم والحبل داير على رقبتهم 3 لفات سبحان الله وكاين لي يجي معقود يا سبحان الله ويجو لاباس عليهم ديجا فكرتيني في وحدة جارتنا زيدتها في 2002 والحبل الصري ثاني داير على رقبتها وراها الله يبارك طول وعرض ترفدك وتهرب بيك بالمختصر هذو كامل اسباب ولي نكتبها ربي مرحبا بيها برك قوي ايمانك ووكلي امرك لله وستراحي حبيبتي مابقاش قد لي فات ربي يسهلك ان شاء الله وتشوفي أميرتك وهي بصحتها ولاباس عليها تنسيك في كامل لي جاز عليك

العضوة: 2140229 , 3 weeks ago

@user-2194206 متخافيش حنونة ان شاءالله ميكون غير لخير مزال تتغير لوضعية حقاش مزالك في الشهر التامن

العضوة: 2108393 , 3 weeks ago

@user-2140229 وانت واش راكي اليوم حنونة

العضوة: 2140229 , 3 weeks ago

@user-2108393 ليوم لاباس متحركتش بزاااف راني غير مريحة

العضوة: 2108393 , 3 weeks ago

@user-2140229 الحمد الله انا اليوم غسلت الفريجيدار والفريڨو وقلت غدوة ان شاء الله نغسل الكوزينة وعندي طراحيات تاني نغسلهم يبقالي غير المرحاض و الدوش حاشاك ونجوز الغبرة على المابل وندير تفريشة ان شاء الله برك يكفيني الوقت

العضوة: 2194206 , 3 weeks ago

ربي يعطيكوم الصحة على النصائح او ربي يسمع منكوم نشاء الله تتسڨم الامور

العضوة: 2194206 , 3 weeks ago

@user-2108393 المشكلة ماشي راهي فالحبل ياختي المشكل انا كي راحتلي الحركة حسبت حاجة نورمال مارحتش ديراكت نعڨب جازت تقريب 24ساعة او هي بهذيك الحالة ماقدرتش او كي رحت للسبيطار مبانلهوم والو فالراديو غي التخطيط فيقهوم بلي كاينة حاجة ماشي نورمال عياو ايعڨبولي الراديو او اديرولي الڨليكوز ماتبدل والو يعني زدت تماك سوايع خلاف او هي مسكينة تعاني كي قررو نزيد سيزاريان القاو بلي الحبل داير حتى كي حلو كرشي باه فاقولو تماك اطفرت بعد او ديما نقولو لعل في ذلك خير ،وعسى ان تكرهو شيئا وهو خير لكم

العضوة: 2140229 , 3 weeks ago

@user-2108393 معليش غير بشوي عليك ولا شوفي كاش وحدة تزيد تعاونك تتعبي وحدك نهار زيادة متنجميش

العضوة: 2140229 , 3 weeks ago

@user-2194206 معليش ربي يعوضك تصراا مرات امور هكدا هد لمرة اي حاجة تحسيها ماش نورمال روحي لطبيبتك والحركة عندك راكي مليحة راكي تحسي بيها انا نحسها تضرب بجهد كرشي من لفوق تبانها تتهز