العضوة: 2244621 , 1 hour ago

لبنات أنا راني مع لوحام وكل مانكل نتقيا اسكو نورمال ؟

العضوة: 2143931 , 1 hour ago

لبنات زينات دعولي معاكم راني فشهر تاسع وفالغربه وحدي ورح يحكمني اكتئاب 🥺

العضوة: 2214308 , 1 hour ago

@user-2244621 نورمال اختي

العضوة: 2214308 , 1 hour ago

@user-2143931 ربي اسهلك اختي يعطيك وقفة ساهلة

العضوة: 2214308 , 1 hour ago

@user-2194206 الحمد لله اختي انا قلت بلاك مريضة الحمد لله انك بخير

العضوة: 2244621 , 1 hour ago

@user-2214308 منقدرش ناكل ومبعد يجيني وجع في معدة من جوع

العضوة: 2194206 , 1 hour ago

@user-2108393 مام انا ياختي راني نقول سعات هذا الكلام ربي اللي تشوف فيها الخير قربها معليش ايلا زيدت بالعملية المهم نفرح بالبيبي نتاعي او نسلك على خير او نولي لداري والله لوكان تشوفي يما مسكينة واش راهي مقلقة عليا راهي مسافرة او ماتقدرش تهبط طولت ماعيطلهاش الساع كنت نهدر معاها بدات تبكي تقولي ماعلاباليش وعلاه راني نخمم عليك ياسر ڨاع مادرتش هذا الشي في خواتاتك قلتلها باسكو راحلي البيبي على هذي راكي توسوستي او ليبعاد تقعد وحدها ماعندهاش كاش ونيس تحكي معاه تنحي على خاطرها غي كي تتقلق تخرج شوية برك راهي في حالة قلتلها كبري خاطرك نورمالمو انا نتقلق كثر منكوم قالتلي طولتي الغيبة خفت تصرى حاجة تخبو عليا قلتلها فايلي الخير برك ايجينا نشاء الله ماراهيش مقصرة بالدعاء ربي يحفظها تقولي في كل ساعة او في كل نص ليل راني ندعيلك قلتلها هذا واش راني محتاجة نحي الشك من راسك الشيطان يسلط على الوالدين مساكن اللي ماولدش مايحسش بقيمتهوم

العضوة: 2194206 , 59 minutes ago

@user-2214308 ربي يحفظك حبيبتي والو لاباس

العضوة: 2108393 , 56 minutes ago

@user-2194206 ربي يحفظهم لينا ان شاء الله ويخليهم تاج فوق الراس ربي يطول في عمرهم ويرزقهم الصحة والعافية ان شاء الله اذا كانت مسافرة للحج قوليلها تتفكرنا بدعوة ان شاء الله

العضوة: 2194206 , 41 minutes ago

@user-2108393 آمين يارب العالمين نشاء الله ياربي والو ماشي للحج تسكن فالتل برك بابا يتقلق هنا فالبلاد راه كبر بعد تماك ايساعدو الحال سوسطا مكانش الدروج ياسر يقعد تماك بعد يهبط لغرداية يقعد شوية يتعب يتقلق بعدراهي تساعف فيه ماعندها مادير

العضوة: 2140229 , 40 minutes ago

@user-2194206 مرحبا زينة على سلامتك حنونة كي راكي لاباس. نقولك حاجة هد التحجر نتاع لبيبي مام انا نحس بيه مي قالك غير من لبيبي يكبر شوي يولي تنقص حركته وسوختو في الشهر التامن رحنا قربنا للساعة الحاسمة لي كامل رحنا نستنو غير وينتا نسلكو سلمات ونشوفو وليداتنا بخير ان شاءالله وتقلاق هداك يحكمك من قرب شهرك تقولي درك نولد هكدا درك نولد سيزريان انا تاني راني هكدا مي لواحد يقول الحمد لله كيما كتبها ربي نرضاو بيها لمهم تسلكي سلمات

العضوة: 2194206 , 32 minutes ago

@user-2140229 بيك وهلا حنونتي واش راكي لاباس واش راه ايوب ايه وليت سعات نتقلق نحس غصة في حلقي نحب نعرف واش راهي حالة البيبي باه نتهنى نشاء الله مايكون غير الخير ربي ايسلكنا او ايفرحنا

العضوة: 2140229 , 29 minutes ago

@user-2194206 لاباس الحمد الله حنونة ربي يحفظك. متقلقيش بزاااف ميكون غير لخير ان شاءالله وقتاش عندك رونديفو في هد شهر

العضوة: 2108393 , 23 minutes ago

@user-2194206 هاني فولتلهم بحجة ان شاء الله ربي يرزقهم إياها ان شاء الله وين في التل مفهمتش

العضوة: 2108393 , 22 minutes ago

@user-2140229 شحال راكم من اسبوع