العضوة: 2257636 , 3 months ago

مساء الخير البنات يعطيكم الصحة ك سقسيت و عليا انا راني خرجت دارولي إبرة وقالولي ادا تقوا عليك السطر ارواحي وادا مكانش تزيدي سيزاغيان وعلى الما قالولي هداك غير البوشون مفهمتش وقالولي ليفاغيز سي غراف منقدروش نديرو السانتو خافو وتأتي مديري حتى تحفيزات متمشي موالو وك تزيدي نديرو لهم حل لازم تبعي عليهم ولا نطلعوك لدزاير تديري عليم اوبيراسيون ادعولي والله تعبت

العضوة: 2214308 , 3 months ago

@user-2257636 ربي امعاك اختي وسهلك ان شاء الله اتزيدي طبيعي بااذن الله

العضوة: 2140229 , 3 months ago

@user-2108393 لاباس الحمد الله وانت خبارك خبار اويس والامورات ان شاءالله تكون بخير. تهلاي في روحك وفي وليدك ومتكتريش حركة على بال جرح حنونة ربي يشافيك .وخليك من طاقة سلبية وعزوجتك جات مجات لي جاء مرحبا ولي مشااا بسلامة .احنا طمنينا غير عليك وعلى نونو نتمنالو صحة والعافية وطول العمر يارب

العضوة: 2140229 , 3 months ago

@user-2194206 ههههه انا من لخوف كل مرة ندخل ندوش بماء بارد حتى بشرتي نشفت .وقاعدة مقابلة لكليماتيزور ولماء بارد ياختي حمان فشلنا

العضوة: 2140229 , 3 months ago

@user-2257636 ربي يسهلك حبيبتي كتري من الدعاء وارتاحي ربي يعطيك وقفة ساهلة ان شاءالله

العضوة: 2140229 , 3 months ago

@user-1870664 وعليكم السلام مرحبا زينة كيراكي وكيراهي هبة الشطورة .

العضوة: 2194206 , 3 months ago

@user-2140229 ياخا هبلتي من درك كليماتيزور او الماء بارد تعمري روحك بالبرد تجيك الزيادة صعيبة ستحفظتي حنونة مابقاش لازم تتكسلي من الجهة اليسرى او قيسي لاطونسيو او السكر بلاك الدوخة منهوم هبطولك كي راكي اتعبي في روحك ايلا راحت الحرطة ڨاع لازم ديراكت للراديو ماتستناي حتى نص ساعة ايلا كاينة قليلة نشاءلاباس ايكون التعب مام انا راني مقلقة راهي تنحرك غير جهة وحدة

العضوة: 2194206 , 3 months ago

@user-2257636 اهلين حبيبتي ربي ايسهلك.نشاء الله مايكون غير الخير او لعل في ذالك خير ممكن ايكون سبب تتعالجي منهوم.بعد او تتهناي منهوم نتي عليك بالدعاء او ماتتقلقيش

العضوة: 2226508 , 3 months ago

سلام حبيبات شكون راهي في شهر 6 وراعي تواجه مشاكل الحمل بيبي نازل وعنق الرحم قصير ومفتوح

العضوة: 2107472 , 3 months ago

@user-2194206 لباس بخير والحمد لله 🥰🥰😘🫂🫂ياك حكينا من قبل ولا نسيتيني انا من بليدة ونتي غرداية ولا الاغواط ادا مش غالطة 🤔🤔🤔

العضوة: 2107472 , 3 months ago

@user-2140229 مزال الحال على الكليماتيزور والدوش بالبارد ياحنونتي متنسايش راكي قريب تولدي تجيك صعيبة عضامك مش حاكمين روحهم ردي بالك دوشي بما دافئ و طفي الكليماتيزور مزال الحال حنونتي والتعب ممكن من ثقل الحمل برك ردي بالك

العضوة: 2194206 , 3 months ago

@user-2107472 ممكن حكينا راكي قديمة معانا بصح نسيت منين برك ماشفيتش تعرفت عليك ولا على اولادك قلتيلنا ماراكيش حامل ياك

العضوة: 1440511 , 3 months ago

@user-2257636 ربي يسهلك ان شاء الله مدام عندك ليفاريس مشي مليح ليك السطر ربي يسلكك على خير بصح من الاحسن تروحي كل يومين باش اشوفو بيبي اذا مليح تخافي اذا هداك الماء تاع بيبي مشي بوشون

العضوة: 1440511 , 3 months ago

@user-2194206 شوفي راني صورتلك ليكوقرافي تاع ولدي هذا اخر إيكو درتو قبل مانولد36 اسبوع 4 ايام زدت سمانة سواسوا ولدت

العضوة: 1440511 , 3 months ago

هذاك لي بالاحمر اخر دورة ولي بالاخضر يوم تاع الولادة لي توقعوهولي