العضوة: 2108393 , 1 week ago

@user-1440511 مام انا خممت هكاك قبل ما نولد قتلك درت ميناجي باش نلقى الدنيا ساهلة ونقية ربي يقدرنا ان شاء الله والله ياختي هذو لعجايز غير ربي لي يقدرلهم ان شاء الله يتولاهم ماعليش ذراعك ماشي ملحقك احكمي فمك النصائح نتاعك المسمومين خليهم عندك واش نقولك يا ختي حسبي الله ونعم الوكيل خرجت من السبيطار مع وقت لفطور مع لي بابي و ڨع لحقت لدار على 15:00 هذاك النهار والله ما طيبت لفطور قالت لسلفتي رايحا نشري سندويتش ڨرنطيطة ليوم قاتلي و الله ما شرات غير سخنت عدس كان عندو 5 ايام طيباتو بالاربعاء وكي قلتلها راني جيعانة جيت نرعش لدار السكر هبطلي من العشا نتاع البارح جابلي راجلي سندويتش للسبيطار ماستقهويت ما فطرت قاتلي دوك نسخنلك هذاك العدس راه جا بنين ماقالت النافس راهي خارجة مالسبيطار مادارت حساب بالعكس ستقهوات عندي وتعشات عندي والغدوة مين داك تاني تعشات عندي وحاوزت سلفتي و قاتلي ياك سترحتي 6 أيام دوك نوضي على روحك ايه ومن بعد قلت لسلفتي تقليلي ستاك جابهولي راجلي كي شاف لفطور ماكاش كانت عندي قلت شمت الريحة نعطيلها تذوق والله غير شدتها نورمال وقالت مانيش حابة بصح كي عطيتيلي نذوق

العضوة: 1440511 , 1 week ago

@user-2261735 لالا متخدموش والله تندمو اوموا تكملو ربعين يوم ديرو حاجة ضرورية كما الماكلة ولا تجمعو دار وين اشوف عمار وخلاص انا ولدي لول نضت رابع يوم ولادة نخدم قلت راني نورمال نخدم شغل ممبعد ولاو عضامي قاع يسطرو حتى القعدة منقدرش نقعد

العضوة: 1440511 , 1 week ago

@user-2257636 متقلقيش روحك مدام معندكش سطر وطولتي كون غير خلاوك تروحي لدار معليش ربي يسهلك ان شاء ومطوليش

العضوة: 2056041 , 1 week ago

@user-2257636 اللهم يا شافي يا معافي، اشفِ فاطمة شفاءً لا يغادر سقماً، ويسّر ولادتها وقرّ عينها برؤية طفلها سليماً معافى، وهون عليها كل آلم، وقومها بالسلامة هي ومولودها يا رب العالمين.

العضوة: 2194206 , 1 week ago

@user-2257636 ربي ايسهلك حنونة مام القلق ايزيد وسعي خاطرك ربي مافيه غير الخير

العضوة: 1440511 , 1 week ago

@user-2108393 حسبي الله ونعم الوحيل في العجايز لي كما هدو ربي يهديهم انا كون تشوفي واش دارتلي في ولادي في زوج منيش برك حابة نتفكر ولا نهدر ونقصلها ذنوب كرهتني في نفاس قالتلي والله منخليك تفرحي بولادك حسبي الله ونعم الوكيل جامي احسو بيك تقول ماعندك قلب ماكي عبد معليش كي راحت خير كون قعدت معاك تزيد تمرضك بهدرتها ربي يكون معاك ويبعدهم عليك

العضوة: 2214308 , 1 week ago

@user-2056041 امين يارب العالمين مشكورة اختي علا هالدعاء الجميل ربي يعطيك بالصحة

العضوة: 2194206 , 1 week ago

@user-2108393 الله ايفرج همك حبيبتي او يهدي العيباد اللي كيما هاك والله راكي تحكي نقول ياريت راكي قريبة نجو نخدموك على العين او الراس النافس اليقلها التقلاش الماكلة مليحة او سخونة او فراش مرتب او قد ماتكون اليز رايحة ترضع اليز او تبرا بالخف هاخلاص قالك اللي ماولدك مايحن عليك مكانش كيما الوالدين

العضوة: 2056041 , 1 week ago

@user-2214308 حبيبتي غبت اربع ايام بسبب وفاة عمي الله يرحمه يا رب ويغفر له

العضوة: 1440511 , 1 week ago

@user-2214308 ونتي واش راكي واش من شهر راكي

العضوة: 2214308 , 1 week ago

@user-2056041 الله يرحموا ياقلبي يجعل مثواه الجنة

العضوة: 2056041 , 1 week ago

@user-2214308 حبيبتي الله يرحم جميع المسلمين والمسلمات يا رب

العضوة: 2214308 , 1 week ago

@user-1440511 انا قريب ندخل شهر السادس اختي قلتلهم والله كون جيتوا قراب ليا كامل راني جيتكم وحدة بعد الاخرى نحب نخدم الخير و النافس اجرها كبير عد ربي دير خير تلقى خير في دار الدنيا

العضوة: 2214308 , 1 week ago

@user-2056041 اللهم امين اجمعين

العضوة: 2214308 , 1 week ago

@user-1440511 وقتاه زيدتي اختي انتي