بنات شفت حلم قبل لا أولد ويموت ابني ب15 يوم يعني له فترة طويلة قرابة 55 يوم لكنه مأثر فيي نفسياً جدا جدا وما عم اقدر اتخطاه 🥺
حلمت انو في ببيتي ضيوف كثار وبعرفهم كلهم أهل أبي وانا جالسة بوسط البيت عم أعدي قطع لحم بأسياخ و فرمت سلطة و في جاط فيه عصافير مذبوحة و منتوف ريشها عم اغسلها و اعديها بالاسياخ عشان اشوي و اقدم الاكل لضيوفي، فجأة وحدة من الضيوف حكتلي زاوية بيتك هون مش مريحة حاسة فيها حاجة حكيتلها ما معقول حكتلي فيه جن بهل زاوية وفي سحر عند رجل خزانكم بجهة اليسار، صرت اضحك حكيتلها بلا هبل ولا شخص من الموجودين هو بالحقيقة كبير العائلة عنا وشخص كتيرر منيح، بدأ يقرأ قرآن وينفخ علي حكالي أنتي فيكي مس صرت اضحك حكيتلهم مستحيل حكالي امشي لغرفة نومك على مرايتك حطلي رغوة صابون على المراية و حكالي اذا قدرتي تكتبي بسم الله الرحمن الرحيم بكون ما فيكي شي صرت اضحك وقربت للمراية لاكتب فشفت نفسي بشكل جدا مخيف صرت اصرخ وانتف شعري و تغير صوتي واحكيله ابعد عني ابعددد و هو بقي يقرأ قرآن علي حتى هدأني
(المنام شوية طويل كلمته بالتعليقات 🥺)
العضوة: 1963154 , منذ ساعتين
لما هدأت شفت بيدي اليمين ظهرت لي أربع خواتم خاتم على شكل فراشة حكولي هذا الخاتم عشان تفقدي ذاكرتك شوي شوي و تصيري تنسي وكل شي يطير من راسك مثل هذه الفراشة و خاتم الثاني على شكل بيت حكولي هذا سحر عشان يخترب بيتك و تضل فيه مشاكل و الخاتمين الباقيين من نور ما فهمت شو هم و فجأة بتطلع تحت طاولة زوجي لقيت رجل اشقر شعره طويل احكيلهم شايفين هذا الرجل يقولون لي لا مافي حد و هذا الشخص لا اعرفه بس متسطحة تحت الطاولة و بناظرني بنظرات مخيفة جدآ فنزل الرجال اقاربي من بيتي ووقفو تحت شجرة رمان جنب البيت وانا خرجت لهم ناديت تعالوا اخذو هذا الرجل من هون ما حدا كان يرد ف انا رحت ومسكته و حكيتله اطلع من بيتي بسرعة لقيته جا وراي و طلع على ظهري و لف يديه حول رقبتي ويحاول يخنقني انا افك يديه بصعوبة وانزله من ظهري وهو يرجع يطلع بقيت أحاول حتى نزلته من ظهري و أنا ببكي و بصرخ ظهرييي انكسررر كرمال الله حد يجي يسندني أنادي على الكل حتى أمي ما كانت تسند ظهري جلست وتربعت على الارض وانا ابكي و أنادي كرمال الله ظهري انكسر اسندولي ظهري حد يوقف بظهري حد يسند ظهري ويحميه انكسر ظهري و دموعي وخوفي شديدين وما حد وقف بظهري ابد وبقيت ابكي وأنادي ظهري انكسر لحد ما صحيت وانا دموعي نازلة و عم ارجف وخائفة 😭العضوة: 2035158 , منذ ساعتين
حلم السئ من الشيطان لا تهتمي تعوذي بالله من الشيطانالعضوة: 1963154 , منذ ساعتين
@user-2035158 اقراي بقية الحلم أنا كنت محصنة نفسي و قرأت الاذكار و نمت و شفت هيك 😞العضوة: 1620094 , منذ ساعتين
بسم الله عليك الرحمن الرحيم شوفي حبيبتي ابدأي أرقى نفسك كل يوم وشغلي قران بالبيت اذا تعرفي شيخ يقرا روحي اقري عندهالعضوة: 1963154 , منذ ساعتين
@user-1620094 ولله من بعده ما شفت الخير و ولدت بدون ولا اي سبب فجأة جاني طلق بظهري و لف على بطني و من وقتها للحين وجع بظهري دائما ليوم كله بيوجعني واحسه رح ينكسر 🥺 بقرأ الاذكار و الرقية الشرعية دائما اقرأها او اسمعهاالعضوة: 1963154 , منذ ساعتين
ما ادري كيف اتخطاه ولله ولا كيف اتخطى كل الاشياء لي مريت فيها 💔العضوة: 1957483 , منذ ساعتين
كوني اقري سوره البقره كل يوم وربي يوفقكالعضوة: 1963154 , منذ ساعتين
@user-1957483 🩵 شكراً لك على نصيحتكالعضوة: 506668 , منذ ساعتين
م اعرف وش اقولك ولاكن تحصني دائما واذكري الله كثييير واقري سورة البقره كل ٣ ايام ختميها وفالك العافيه ان شاءالله ولا تخافي ولا تتوتري حتى م يأثر عليك وعلى النونوالعضوة: 1963154 , منذ ساعتين
@user-506668 ولدت ابني و مات ، وقبله في اجهاضين و رجعت من البداية انتظر حمل 😭العضوة: 506668 , منذ ساعتين
ي عمري الله يعوض عليك العوض الجميل اجل لا تحملي لحتى تتعالجي تماما عشان م ترجعين لنفس الدوامه دايم ارقي نفسك وشغلي رقيه ببيتك ولو فيه شيخ ثقه تعرفونه خليه يجي يقرا بالبيت ويشوف المكان الي انحكالك عنه بالحلم والله يعافيك ويحفظك من كل شرالعضوة: 1963154 , منذ ساعتين
@user-506668 الله يسلمك يارب زوجي ما عنده يقين بأن شيخ يدخل بيتنا او يقرأ علي بيحكيلي أرقي نفسك بنفسكالعضوة: 1963154 , منذ ساعتين
.العضوة: 2040359 , منذ ساعة
صح صادق افضل رقيه هي رقية الانسان لنفسه اقراي انتي على نفسك ولا تتعلقي بالاحلام ابدا كل شي بارادة رب العالمين اذا ربي اراد لك شي محد يقدر يمنعه ووفاة ابنك حكمة رب العالمين ليختبر صبرك واجتهادك على البلاء اصبري واحتسبي ونصيحه اقراي القران دااااائما هو اللي بينفعك لوصفحه كل يوم بيبرد قلبك ويطيب خاطركالعضوة: 1963154 , منذ ساعة
@user-2040359 الله يجزيكي الخير مشكورة على نصيحتك ❤️🩹