العضوة: 1119218 , 4 years ago

دوك راني دايره 2 كابات تاع البيبي وليا فاليزه ما قدرتش نخلط حوايجي مع حوايج بيبي غدوه نصورلك واش درت بصح كي رحت لكلينيك واش نقولك تقول المطار تشوفي غير الرجال يكركرو لي فاليز أشكال ألوان 😂

العضوة: 1053623 , 4 years ago

ههههه نحسها ڨاع ماش في بلاصتها وكل وحدة واش يخرجها انا مالفة كي نزيد والله لبستي لي نروح نزيد فيها مانبدلهاش تعيا فيا امي بدلي نڨلها والله ماني قادرة مع لخياطة سطر نتاع من ورى زيادة مانقدرش ياختي

العضوة: 1053623 , 4 years ago

ان شاء الله

العضوة: 1053623 , 4 years ago

@user-1119218 اهلا خديجة واش راكي راني نستنى تصوريلي واش حطيتي في لكابة

العضوة: 1119218 , 4 years ago

@user-1053623 هادو لي يدخلو للبلوك لبسه كامله للبيبيه وبيجامتي مع كوش وملابس داخليه حاشاك

العضوة: 1119218 , 4 years ago

@user-1053623 هادي كابتي. فيها ساك دو توالات ومنشفه ولي كوش ولي سغفيات

العضوة: 1119218 , 4 years ago

هادي تاع البيبي فيها لبسه تاع الخرجه مع تبديله كامله ولي كوش ومنشفه صغيره وقون دو توالات بيبرونه وسوساته عقمتهم معقم وصاشيات كحوله

العضوة: 1053623 , 4 years ago

بصحة والعافية انا درت فيها كوفيرطة ثقيلة وحدة مخدومة كما لكروشي لمها فيها ان شاء الله ودرت زوج ڨماطة يمسحو بيهم

العضوة: 1053623 , 4 years ago

بيجامة لونها شباب بصحتك وكتا نزيدو ونتهناو ياربي راني غير وكتا نرفدها بين يديا

العضوة: 1119218 , 4 years ago

إن شاء الله كي اليوم ربي يطيحنا في طبا مومنين وتكون ساهله أنا ليوم درت البيلون الاخر يقعدلي تاع الكوفيد قالك نهار نروح نولد يديروهولي

العضوة: 1119218 , 4 years ago

أنا ما شريتش هادوك الخفاف تاع الكروشي وتاع وليدي أعطيتهم ندي كوفيرطه مع نيدآنج والقماطات راهم مع اللبسه

العضوة: 1195152 , 4 years ago

السلام عليكم ورحمة الله. ما تنساوش تدو معاكم لا ڨان ولا شاش طويل باش تتحزمو من بعد الولادة إن شاء الله راكم تعرفو الوجع من بعد الولادة.

العضوة: 1119218 , 4 years ago

شكرا نسيتها كامل 😅

العضوة: 1195152 , 4 years ago

عفوا.انا هاذي ضرورية عندي خاطرش نعاني من آلام بعد الولادة.ربي يسهلها لينا كامل.

العضوة: 1119218 , 4 years ago

أنا هاد الحمل ملي بديت وانا عندي آلام أسفل الظهر وبين الفخدين وكل ما نروح للطبيبه تقولي عادي وطبيعي وزيد كل مره واش مره راكي مفتوحه مره الخواتات حابطين وفي الشهر السابع قالتي البيبي حابط في الباسان ومفتوحه 1دوا حادري وأنا بالستر حتى بدلت طبيبه واحد أخرى قالتي هاد الوجع من واحد المتلازمه تجي من الحمل ماشي كي البيبي حابط والرحم مفتوح ألوغ خرجتلي ففيتامين دي ومغنزيوم واش نقولك يا ختي ضربه ضربه ماشي راح الستر كامل بصح عالأقل نقدر ندور شويه