تالا بغضب : العمااااا بعيووووونك انت مابطس قدامك كانت عم تنفض حالها من الغبره يلي علقت فيها وتشتم وتصرخ بصوت حاد بدون ماتطلع عالشخص يلي قدامها سليم : انااا جدااا اسف انسه تالا نشالله ماصرلك شي رفعت بصرها ب استغراب : عفوا حضرتك من وين بتعرف اسمي !! سليم : شبك ماعرفتيني انا سليم رفيقو لاخوكي الياس من الصغر وبشتغل بالقهوه يلي بشارعكم تالا بدون اهتمام : اهلين… وليش حضرتك عم تركض متل يلي لاحقه عفريت ابتسم سليم وحط ايدو عصدرو : انا فعلا اسف يا انسه كرمال •اللّـہ̣̥ ماتواخزيني .. كله من تحت راس هالدوا يلي اخدته وماخلاني اعرف طعم النوم… قلت لحالي بطل بركض شوي بلكي بحس بتعب وبنام كانت مركزه بكل حرف حكاه تحديدا بالجزء يلي حكا فيه عن الدوا اللي ماخلاه ينام… جذبت شنتتها لصدرها وحكت بتردد تالا : حضرتك بتاخد منشطات سليم : بصراحه اخدت حبه لانه كان عليي شغل متراكم وماتوقعت يكون مفعولها قوي لهي الدرجه ههههه كمان مره انا بعتزر منك… عن ازنك وامانه بلغي تحياتي ل الياس تركها ومشي بعد ماتأكد انه بخ سمومه بعقلها بشكل غير مباشر… وقدر بكل خبث يوصلا فكره انه بيملك الحبوب يلي بدور عليهم ليساعدوها بالسهر كانت. وشك تنده عليه وتطلب مِڼـّه يعطيها حبه من هالدوا السحري لكنها تراجعت ب اخر لحظه وكفت طريقها وكلام سليم بيرن ب ادانها وكأنه سيمفونيه شيطانيه لادغه *╚══════ღღ══════ وصلت عالكليه وشافت رغد قاعده بالمكان يلي تعودا يقعدو فيه دايما… وبحركه سريعه حركت رجليها وتوجهت لعندها تالا : لك شو هاااد رغد : رعبتيني شبك تالا بتأشر على وجهه رغد : لك شو عامل فيكي هالظلالي اللي مابيخاف •اللّـہ̣̥ تنهدت رغد بحزن… رغم انها حطت مكياج ع وجهها بس هالشي ماخبى معالم الضرب الواضحه رغد : كتير واضح تالا : اه… لا لا مو كتير بس يلي بيدقق بينتبه .. يالله خلينا نفوت عالقاعه رغد : يالله