العضوة: 625234 , 6 years ago

وين انتي حبي انا بألمانيا جبته من موقع موزاييك اون لاين

العضوة: 654435 , 6 years ago

ام علي الورد عاملين كروب عالواتس اب بتحبي تشاركينا ابعتي رقمك مشان نضيفك

العضوة: 566519 , 6 years ago

@user-654435 ههههههههههه هيك الظاهر والله

العضوة: 625234 , 6 years ago

تسلميلي حبي 😘 كيكة الشوكولا مقادير الصوص : كوب زيت الذرة نص كوب ماء كوب سكر ملعقة فانيليا خمس ملاعق كاكاو خام ملعقتين حليب بودرة. نخلط جميع المكونات...... بجاط تاني منحط 3 بيضات مع كوب سكر ومنخلط و ملعقتين كبار زبادي (يوغورت) وملعقة خل وظرف فانيليا و ملعقتين جوز الهند وملعقة صغيرة كربونات الصوديوم و ملعقتين كاكاو خام كمان منخلط بضيف نص كمية صوص الشوكولا مع الخليط مع ربع كوب زيت ومنخلط منيح واخر شي الطحين (دقيق) كوب ونص مع ظرف بيكينغ باودر منخلط وعلى فرن حامي على درجة 180‪ لمدة لمدة 25 دقيقة بس يجهز الكيك منثقبه بشوكة وهو سخن منسكب عليه بقية الصوص ومنتركه يبرد التزيين حسب الرغبة انا رشيت جوز الهند على سطح الكيك و الجناب حطيت عليهن لوز مبروش 💕

العضوة: 625234 , 6 years ago

تسلميلي يا قلبي 😘 تكرم عينك كيكة النسكافيه انا جبت كيك مقطع جاهز بيجي 3 طبقات( بتقدري تعملي كيكة بالكاكاو) سقيت الكيك حليب ونسكافيه الحشوة و التزيين كريم شانتيه سادة مع رشة نسكافيه عالوش بتركه بالبراد ساعتين اقل شي ليطرا الكيك صحتين وعافية

العضوة: 625234 , 6 years ago

على قلبك يا رب الحشوة وحدة عملتا جبنة بيضا مع بقدونس وحبة بركة و وحدة سبانخ ( بزيت دبلت بصل و ضفت السبانخ وملح وفلفل اسود واحمر ودبس رمان) و اخر صينية عملته خضار مع صدر الجاج( بزيت قليت بصل و فليفلةوصدر الجاج و برشت جزرة وضفت بندورة و فطر ودرة مع ملح فلفل اسود فلفل احمر ونص مكعب ماجي)

العضوة: 625234 , 6 years ago

العجينة انا عملتا على طريقتي بدون مقادير انا ايدي اخدة عليه رح اكتبلك ياه متلما بعملو ان شاء الله يزبط معك كاسة حليب فاتر بضفله ظرف خميرة وملعقة سكر كبيرة.بخلطن وبغطيهن. بتركهن على جنب دقيقتين برجع بضيف ملعقتين لبن(يوغورت) ربع كاسة زيت وبخلط بضيف ملح ملعقة صغيرة والطحين بالتدريج ليتماسك العجين اخر شي بحن ملعقتين زيت وبدعك منيح لتتشربا العجينة وبتركا ترتاح 10 دقايق وهيك بتكون عجينتي جاهزة

العضوة: 625234 , 6 years ago

تكرمي حبيبتي اي حطي قسم من الكريمة بجاط و خلطيه مع ملون الطعام اللي بتحبيه انا بجيب الكيك جاهز بيجي 3 طبقات مقطع هون استخدمت 6 طبقات الكريمة علبتين كريم شانتيه مع 3 كاسات حليب بااااردة و ظرفين مثبت كريمة و ظرف فانيليا منضرب الكريمة اقل شي 10 دقايق لو تماسك كملي ضرب لتضمني الكريمة تضل جامدة وما تسيح لتاني يوم شلت قسم من الكريمة ولونته وحطيته بالبراد بلشت اسقي الكيك عصير الاناناس(فيكي تحطي حليب بدال العصير او قطر خفيف) بمد طبقة كريمة و بحط الحشوة حسب الرغبة انا استعملت اناناس وفريز وشوكولا بكمل كل طبقة بسقيه بعصير و بمد كريمة وبحط فواكه بغطي الكيك بالكريمة الملونة دوبت شوكولا بيضا مع زيت حسب الكمية وبمده فوق الكيك وبنزل شوي من الاطراف والتزيين حسب الرغبة صحتين وعافية ♥️ اذا عندك سؤال اتفضلي

العضوة: 625234 , 6 years ago

نسيت اكتبلك كيف بحصل على سطح املس بحط اللي بمد فيه الكريمة بمي سخنة وبمسحه و بملس سطح الكريمة

العضوة: 654435 , 6 years ago

يعني الكية اشتريته جاهز واانتي كملتي الباقي الزينا وهيك ممكن صورة مثبت الكريمة وعنجد بتشكرك حبابي

العضوة: 654435 , 6 years ago

هاي كيكة الشوكلاته مو وبشكرك ياختي

العضوة: 625234 , 6 years ago

اي حبيبتي بجيبه جاهز هيك بوفر على حالي وقت و تعب تكرمي حبي هي مثبت الكريمة

العضوة: 625234 , 6 years ago

اي حبيبتي اهلا حبي تتدللي

العضوة: 625234 , 6 years ago

حبيبتي انا فوق مخربطة بدل المي حطي حليب مع الكريمة عدلته

العضوة: 625234 , 6 years ago

على قلبك يا رب 🌺🌸 انا من سوريا حبيبتي من القنيطرة بس كنت ساكنة بالشام واغلب طبخاتي شامية