السلام عليكم ورحمة الله وبركاته مرحبا بنات كيفكم؟ أبغى تفاعل كبير 💞 حبيت يكون فيه تجمع يفيد الجميع وطبعا من الشهر الرابع وفوق يبدأ التجهيز على الخفيف ومن باب الأمر بالمعروف (ومنه إنك تعلمين غيرك بالي يستفيد منه في الحياة مو شرط بالدين، بنحاول نحتسب الاجر ونستفيد) نبغى كل وحدة تكتب أفضل الأغراض الي شرتها لمولودها سواء بنت أو ولد وسواء لها هي أو للمولود شيء استفادت منه وريحها ومن وين شرته علشان لو أي وحدة تبغى مثله يفك لها أزمة مثلا وحدة بكرية تقول توهقت أول ما ولدت ما كنت أعرف عن وسائد الحليب، واتفشل مرة من أهلي كل شوي يطلع على لبسي الحليب من صدري لين نبهوني طبعا أهلها مو مقصرين بس كانوا يحسبونها تعرف فنبي كل وحدة تقول مثلا شريت الشيء الفلاني وكان مفيد في كذا وكذا لأني كنت أبغاه كذا وكذا والصراحة علشاني بكرية ما عندي أي خبرة وآخر ولادة عند أهلي كانت قبل ٢٠ سنة 💔 وأبغاكم تفيدوني وتفيدون البنات وراح اكتب أي شيء يفيدني بإذن الله معكم ونخليها مرجع لغيرنا 💞👌🏻