العضوة: 805277 , 5 years ago

توي راجعة من عندها.. كنت راحة ع التأمين بس كشفيتها تاخد نسبة مو كلها ع التأمين.. الدكتورة لطيفة وتاخدي وقتك معاها لو عندك أي استفسارات.. مع انه ما شا الله العيادة زحمة

العضوة: 842859 , 5 years ago

محد مدح مستشفى الولاده 💔مع اني اشوفه زحمه مو طبيعيه 🤦🏻‍♀️يارب سهل علينا وادعو لي الله يرزقني بنت احب البنات م اعترض ع خلقة ربي بس نفسي ببنت جبت ولد وهذا حملي الثاني🥺❤️يارب ارزقني بنت حتى بعد سبوعين كشف سونار بس بقولها لا تعلميني وش جنس البيبي عشان م انصدم وش رأيكم انتم اعرف ولا لا؟؟

العضوة: 890771 , 5 years ago

@user-842859 لازم تعرفين الحمدالله كلهم خير وبركه جاء الولد تجي البنت

العضوة: 557618 , 5 years ago

@user-842859 ياقليي تنصدمين ليه؟ توه دا حملك الثاني ولد ولا بنت كلهم خير وبركة لو ولد يكون اخ لاخوه ويلعبوا مع بعض و كدا ولو بنت الحمدلله زي ما تتمني الله يحفظ لك ولدك و يتمم لك حملك على خير و يرزقك الطفل السليم المعافى دا اهم شيء

العضوة: 842859 , 5 years ago

والله ياقلبي الحمدلله مؤمنه بذا الشي الحمدلله بس نفسي ببنت عرفتي انا مبسوطه فيهم الاثنين اذا كان ولد ولا بنت بس اقولك الي بخاطري ويارب يرزقني ❤️

العضوة: 805277 , 5 years ago

السلام عليكم يا بنات المدينة 💖 ولدت والحمدلله قبل اسبوع في المستشفى الالماني عند د. ثريا وراح احكيلكم تجربتي ان شاء الله اول شي رحت المستشفى على طواريء الولادة، وكشفت عليا د. شيماء وقالتلي خلاص ولادة ما شاء الله.. كانت جددددددداً لطيييفة وحبوبة الله يسعدها، هيا والممرضة اللي معاها.. ودخلوني غرفة المخاض وجهزوني للولادة واستدعوا د. ثريا واخدت ابرة الظهر الحمدلله الصراحة طاقم الولادة في الألماني راااائعين اتوفقت فيهم والحمدلله.. وقت الولادة تعبت لانو ما عرفت ادفع كويس، الموضوع كان جداً صعب 😣 وكان ضغطي ينزل كل شوية.. والبيبي كمان تعب 😢💔 بس الحمدلله د. ثريا طولت بالها وحاولت معايا للأخير، اخر شي قالتلي لو ما قدرتي حنضطر نشفطه لانه نبضه ضعف 💔 بس الحمدلله اخر محاولة نجحت وولدت بدون شفط 😩.. وخياطتها نظيفة ما شاء الله وماهي مشدودة ولا تألم الشي الوحيد اللي استغربته انه بعد الولادة قالت لزوجي راح تدفع بكج ولادة تاني.. ما اعرف ايش السبب 😅😅 حتى ما لحق يسألها 😕 وبالنسبة للحضانة.. جابولي البيبي بعد ما ارتحت شوية وجلس معايا الين الليل وجو اخدوه الين تاني يوم الصبح جابولي هوا لما طلبته.. وهذه تجربتي باختصار مع الالماني.. 😊

العضوة: 829789 , 5 years ago

@user-805277 ماشاءالله الف الف مبروووووك والحمدلله على سلامتك ربي يسعدك على ذكر تجربتك لنا👍🏻 بسالك متى اخر دوره كانت لك ؟ وكيف ابره الظهر كثير يسبونها وكثير يمدحونها احترت مرررررررره وكمان بسالك لما رحتي للطواري وكشفت لك زوجك يكون داخل معاك ولابرا ينتظر ووقت الولاده يدخل او لا ؟ وبخصوص السعر ياليت تذكري كم الولاده الطبيعيه شامله؟ اسفه مره مره مره ياقلبي على كثر الاسئله بس ماصدقت لقيت احد له تجربه بالالماني وكمان انا بااخر شهري ونفسي مره اولد عندهم بس كثير اسئله ببالي والله يسعدك مره ثانيه ♥️♥️

العضوة: 829789 , 5 years ago

وكمان بخصوص الزياره والمرافق مع كورونا كيف الاوضاع 🌹

العضوة: 806046 , 5 years ago

الحمدلله ع سلامتك انا ولدت بالالماني ليه خمسه ايام دحين عند دكتورا سارا بصراحه رووووعه اعطتني مسكنات وقت الولاده والمستشفى قمه بالاهتمام والنظافه

العضوة: 281057 , 5 years ago

طيب بنات مين ولدت بمستشفى أحد ؟

العضوة: 805277 , 5 years ago

الله يسلمك يارب ويبارك فيكي💖💖 اخر دورة 19 اغسطس ابرة الظهر رااائعة الحمدلله ما حسيت بالطلق وألمه.. والحمدلله مافي آثار جانبية غير الم خفيف في الظهر واحتمال يكون من الولادة نفسها وصداع بسيط كم يوم يروح مع حبتين مسكن (اعطوني هوا المستشفى وقت الخروج).. والحمدلله الآن مافي أي أثر للإبرة مشكلتها انها ما خلتني ادفع كويس لأني مو حاسة بحركة عضلاتي في الجزء السفلي وما كنت عارفة انا بادفع صح ولا لا.. كمان كنت تقريباً انام بين كل طلقة وطلقة من الدوخة 😅 في وحدة ولدت قبلي واخذت الابرة (بس ما كانت بكرية زيي) وما شاء الله ما حصل معاها زي ما حصلي، يمكن لأني بكرية وما عندي خبرة 🤷🏻‍♀️ وقت الطواريء كانوا معايا ماما وزوجي انتي براحتك لو تبغيهم يدخلوا معاكي او لا.. بالنسبة للسعر انا على التأمين، لكن دفعت لد. ثريا 4000 خارج التأمين (المفروض 2000 بس هيا دفعتنا الضعف ما اعرف ليش 🤷🏻‍♀️) وقت الولادة الزوج ممنوع يدخل بس كلمت الدكتورة وقلتلها ابغا ماما ووافقت تدخلها الين خلصت الولادة وخلوها تخرج.. بعد ما تولدي يحطوكي تحت الملاحظة ويسمحوا لزوجك يدخل يشوفك ويتطمن عليكي شوية ويخرج. الطفل ما خلوا احد يشوفه بعد الولادة مباشرة الحضانة عندهم مشددين جداً على حماية الطفل.. زوجي بالقوة اقنعهم ياخدوا الجوال ويصوروله البيبي 😅

العضوة: 805277 , 5 years ago

ما عندهم اي مشكلة في المرافق او الزيارة

العضوة: 29991 , 5 years ago

الف الف الف مبروك وألف الحمدلله على السلامة الي أعطاك يخليلك يارب ونا كمان نفسي بابرة الظهر ما عمري جربتها دايما اولد في الولادة بس خلاص تعبت ابغى ولادة بدون الم وعذاب ومحتارة بين الوطني والالماني لانو ما عندي تامين اذا ابغى اولد على حسابي الخاص

العضوة: 805277 , 5 years ago

الله يبارك فيكي يارب وعقبال سلامتك 💖 سعر ابرة الظهر في الالماني 1000 ريال، وسعر الولادة على حسب الدكتور، أما الاقامة ما عندي فكرة. المطبقاني كثير يمدحوها كمان بس مشكلتها ابرة الظهر مو دائما متوفرة، انتي روحي واسأليهم افضل.. وانا فضلت الألماني عنها لأنه مستوى النظافة في المطبقاني مو قد كدا بحكم انه المبنى والاثاث جداً قديم

العضوة: 829789 , 5 years ago

@user-805277 ياقلبي الله يسعدك ويحفظلك البيبي 😍 يقولو كمان في ابره بالعضل غير ابره الظهر يعني في مسكنات ثانيه غير ابره الظهر بس مدري اذا في احد جربها او لا ابره الظهر الي يخوف فيها انه وقت الدفع ماتحسي وهنا ممكن يصير شي للبيبي ولاهي رحمه من ربي من كثر مااسمع عنها ماشاءالله طيب بسالك ٢٤ ساعه جلستي بالمستشفى صح بكم سعر ولاشامل الولاده مع الاقامه وبخصوص الغرفه كيف تعتبر كبيره ونظيفه ولاعاديه سمعت انه بالمواساه ممنوع المرافق والزياره عشان كذا حسبت الالماني زيهمم