السلام عليكم بنات شخباركم حبيت اشاركم تجربتي عشان تستفيدون اول ماحملت طلعت عندي الياف رحميه وكانت تنزل علي بدايه الحمل افرازات بنيه او حمراء مثل الدم فتوجهت للمستشفى وعطوني ابره تثبيت الجنين ومن بعدها وقف الدم وخذيت حبوب تثبيت اول 3 شهور وبعدين استمر الحمل والحمدالله والالياف الرحميه تكبر مع هرمونات الحمل وكبرت مع الجنين وصلت لاخر الشهور الحمدالله ولكن السؤال كيف بتكون الولادة لان كانت عندي 4 الياف رحميه وفي وحده قريبة جدا من عنق الرحم حجمها 6cm وكانو يقولون ان راس الجنين مانزل تحت بسبب الالياف ممكن وصلت للاسبوع 37 ومانزل راس الجنين وحدوو لي موعد قيصرية ورحت للموعد من الليل تنومت عشان الصبح ادخل العمليه وقبل دخولي للعمليه عملو لي انتراساوند وسبحان الله قالو لي نزل راس الجنين وتكنسل موعد القيصريه وكانو يبوني انام عندهم ويحطون لي طلق صناعي بس انا مارضيت وخفت ان يحطون لي طلق صناعي وبعدين ينقلب الراس مره ثانيه وتكون قيصريه مستعجله وحسب كلامهم ان ممكن اخسر رحمي ويصيدني نزيف شديد من عمليه القيصريه انا خفت وطلعت من المستشفى على مسؤوليتي وراجعت مستشفى خاص وقالت لي الدكتوره ان الالياف وراس الجنين يتصارعون من يدخل فالحوض وقنعتني بالقيصرية والحمدالله ولدت قيصرية وكانت العمليه سهله وبنج نص وانصح الكل في بنج نص صج ان كان في خوف بس تغلبت عليه سولفت مع طبيب التخدير وجفت البيبي وكنت صاحيه وبعد العمليه تحسين بس بتنمل وتخدير في نص ريلج والليل قعدوني عشان اقوم امشي كانت اول مشيه تعور ومتعبه بس تغلبت عليها والحمدالله الحين لي 6 ايام من ولدت والحمدالله احسن وكان قرار وايد ممتاز والحمدالله انصح الكل اذا عندج اي مشكله راجعي طبيب ثاني والله ايسر امور الجميع ❤️❤️❤️ والحمدااله ولدت بالسلامه