6 years ago
  • المرحلة الثانية (الأشهر 4,5,6)
السلام عليكم ورحمة الله وبركاته مساء الخير للجميع كل وحدة تقول لنا عن المستشفى اللي بتولد فيها وليش اختارتها واعطونا معلومات عن المستشفيات اللي سمعتوا عنها او جربتوها من قبل 💗💗

579 تعليقات

العضوة: 569613 , 6 years ago

ماشاء الله يارب كل ولادتك تكون سهله ميسره بدون آلم ): البيبي كان معاك او في الحضانه ؟ووقت الولاده عادي زوجي يدخل معاي لان وحدي في جده اهلي مو هنا واخاف اول ولاده لي وتعرفين الدكتوره منال فوزي كويسه او لا؟):

العضوة: 581731 , 6 years ago

نفسي والله 😢

العضوة: 581731 , 6 years ago

رون حبيبي وقت ولادتك سمحو بمرافق يدخل معك ومين اخترتي يدخل معاك؟! انا اهلي مو قريب ومو حابه احد يدخل معي من اهل زوجي تحسبا لاي ظروف محرجه او شي... يعني ما عندي الا زوجي وبرضو ماني حابه يدخل كانت اختي عندي بنفس المدينه بس جاها كرونا وعزلت نفسها ولاراح اشوفها الا بعد مده طويله 😢

العضوة: 581731 , 6 years ago

استخيري اجل وتأكدي اذا امورك الصحيه كويسه او تحتاجين عمليه

العضوة: 607330 , 6 years ago

انا كمان بعرف بولد في خاص وسمعت منعو دخول الزوج والبيبي يقعد عندهم في حضانه لحد مااخرج مدري صح دا كلام

العضوة: 581731 , 6 years ago

اش سويتي رحتي لها !؟!؟ اخذتي صناعي او لسه؟!

العضوة: 560578 , 6 years ago

السلام عليكم بنات انا ولدت لي اسبوع الحمدلله وجبت بنوته تشبهني بس ماخذه خشم ابوها😂🙈♥️ وعشان تستفيدو انا ولدت في مستشفى سمير عباس بجده ولاده طبيعيه كان ودي ما يقصو لي العجان بس للاسف ما كنت جالسه ادفع بالشكل الصحيح وخنقت بنتي المسكينه ف اضطرو انهم يقصو لي العجان ويشفطوها عشان يساعدوني بالدفع اخذت ابرة الظهر صحيح انها حلوه وشالت الالم تماما بس طبعا مافي شي حلو يكمل جاني صداع حاد لسى اليوم بديت احس بتحسن من ذا الصداع... الصداع ممكن يجي بعض النساء وبعضهم ما يجيهم شي يختلف من ام لأم بالنسبه للمرافق يسمحو بشخص واحد بس ماما و زوجي كانو يتناوبون علي مرا ماما ومرا زوجي حتى بغرفة الولاده ماما كانت جنبي محد طلعها وحضرت الولاده كامله 😂👌🏻💔 سمعتهم يقولو فترة الزياره من ٣ لين ٦ بس انا ما قلت لاحد لاني مبغا احد يشوفوني مبهذله🏃🏻‍♀️. بالنسبه للنونو عادي يجيبوها لك وقت ما تبغي وممكن تخليها عندك او بالحضانه شي راجع لك. << الرضاعه يا بنات كانو جدا حريصين انهم ما يشربوها صناعي ويخلوني ارضعها طبيعي. الاهتمام عندهم لا يعلى عليه وبس والله الله يقومكم بالسلامه جميعاً يارب ♥️♥️

العضوة: 581731 , 6 years ago

الحمدلله ع سلامتك ومبروك ماجبتي يارب ❤❤❤😍 الحمدلله اهم شي كانت تجربه سهله الله يفرحك بضناك ويسعدك فيها❤❤ شكرا لطرح تجربتك ❤❤

العضوة: 566983 , 6 years ago

اناء هاد اول حمل الي وكلش خايفه من الولاده مابعرف شنو الالم الي راح تواجهني غير هيج اني بلاد الغربة ومالي حدا غير زوجي ومتوكله على الله بس احيان تجيني افكار شينه انو مابقدر على الالم ويمكن لا سمح الله مافرح بالبيبي ياريت الي عندها نصائح ترفع من معنوياتي وكمان ابي تمارين تساعدني على تحمل الالم لاني من حملت ماتمرنت لاني كنت على مثبتات ومتى ابدا بتمارين التنفس وكمان ترطيب منطقه العجان هلا اناء بنص الثامن. وربي يسهل عليا وعلى كل حامل يااارب كمان بدي تنصحوني شـﯠ، ! رأيكم بالكمام هل هو فعلا يخفف الالم ومن جربته والي ولدو بمستشفى هاله بلادن كيف الولاده هناك وبالأخص الدكتوره حنان لاني اتابع عندها

العضوة: 560578 , 6 years ago

@user-581731 عفوا حبيبتي ♥️♥️♥️

العضوة: 560578 , 6 years ago

@user-566983 الله يسهلك يا ام خالد ويجعل ولادتك مسهله يارب ابعدي عنك الافكار اللي مهي كويسه وان شاءالله البنات يفيدوك 🙏🏻♥️

العضوة: 566983 , 6 years ago

@user-560578 امين يااارب تسلمين حبيبتي

العضوة: 699644 , 6 years ago

انا ولدت في سليمان فقيه الصراحه الحمد الله كانت ميسره وربي سهلها عليا قبل تقريبا سنتين ونص ولدت فيها دحين انا حامل بس ولادتي حتكون في التخصصي الي عندها فكره وقد ولدت فيها تطمني

العضوة: 457082 , 6 years ago

بنات انا ماما سمعت عن ابرة الظهر انها تتعب بعدين ماتبغاني اخذها تقولي تحملي ايش رايكم يقولو صحباتي انو الكمامه كويسه ؟ امانه اعطوني رايكم اللي جربو

العضوة: 535550 , 6 years ago

مرحبا بنات انا ولدت الحمدلله من اول وبخلص الاربعين بكره يوم عرفه طبعاً تجربتي ولدت بمستشفى آيه ولاده طبيعيه عند دكتوره فاطمه العتيبي اخذت ابرة الظهر لأول مره تجنن ونعمه عظيمه من ربي ماحسيت بآلام الطلق نهائياً مع انهم حطوا لي طلق صناعي الا رقت الدفع لما فتح ٨ سم ونص بدأ يخف مفعول الابره وهنا حسبت بألم خفيف عشان اقدر ادفع الصدمه بإبرة الظهر انكم حطوا لي قسطره😑💔 وهالشي ماكنت ادري عنه الحضانه ممتازه وقت ماابغا البيبي يجيبوه لي ويجلس عندي وقت طويل عادي واذا برسله عليهم يجو ياخذوه اسوء شي حصل لي بعد الولاده بإسبوعين صدااااااع حاد ماادري هو من الابره او لا وبعد الكشف طلع الضغط مرتفع وكانت حرارتي ٣٨ بصراحه صدمه ونفسيتي تعبت وعملت مسحه للكورونا ابغا اتطمن والحمدلله النتيحه سلبيه والحين الصداع يروح ويحي وماادري ايش السبب الاساسي. بس هذه تجربتي حبيت اذكرها لكم من اول وتستفيدوا بس البرنامج ماكان راضي يدخلني وقتها. دعواتكم لي ❤️❤️