13 minutes ago
  • ما قبل الحمل
الموضوع انه نحنا 5 اخوة بنات كلنا 4 متزوجات ووحدة عزباء القصة انه امي كل ما تزوجت وحدة مننا اول بيبي امي هي الي بتجهز ديارة البيبي ف هي بتشتغل صوف وشغلها كتير حلوة وبتعمل منه للبيبي طقم كامل من جاكيت وتحته بيجاما وكفوف وطاقية وحذاء وكله من الصوف اختي الكبيرة لمى اتزوجت خلفت 3 اطفال والثانية خلفت اثنين وانا خلفت ولد وهلق حامل واختي الي اصغر مني هلق حامل كمان القصة انه اشتغلت لكل الاطفال اخواتي الا انا ما اشتغلتلي وهلق لاختي الاصغر مني عم تشتغل الابنها والعجيب انه كلنا خلفنا ذكور يعني ولا وحدة لحد الان ماجابت بنت بس انا ما اشتغلت الابني الي جبته من ثلاث سنوات وهلق حامل ولا حتى زكرتني او قالت رح اشتغل لطفلك والكل بيعرف انه انا حملي صعب وبعاني من اجهاضات كثيرة وبس امي حرفيا ما سألت عن اطفالي ولا كأنهم موجودين ولما كنت حامل بابني الاول قلتلها من شان تشتغل لابني ومثل اطفال اخواتي وقلت بذكرها يمكن ناسية بس ماردت علي بوقتها وطنشتني ولما عاتبتها بعد ماولدت وقلتلها ليش ما اشتغلتي قال هي لما اشتغلت لاخواتي الي قبلي عشان عائلة ازواجهم عشان مايحكو عليها انه هي بتعرف تشتغل صوف وما عم تشتغلهم ف امس لما شفتها عم تشتغل لابن اختي قلتلها ليش عم تشتغلي ما ع اساس تعبانة كتير وما عم تقدري تحركي راسك من الشقيقة رجعت قالت نفس الحجة قال منشان بيت حماها وهون زعلت كتير كتير واخذت ع خاطري ليش عم تعاملني هيك وكاني ماني مهمة واطفالي مانهم مهمين وكلنا خلفنا نفس الشي ليش انا بالذات ولسا زادتها علي لما قالتلي انه لما تتزوج اختي الصغيرة رح تشتغل لطفلها وانا حرفيا قدامها وصرت اتذكر الاشياء الي جابتها لابني بالديارة وانو اكثرها شحادة من اخواتي الي اكبر مني اشترت كام لباس وانا قلتها بوقتها لا تشتري شي منشان لاتكلف نفسها وقال لا هي بتشري وهاي العادة عندها ولما اشتريت انا كم قطعة وفرجيتها اياهم زعبت مني وبطلت تحاكيني وقال ما انا قلتلك لاتشتري شي وبالاخير خاب املي لما شفت الديارة اكثرها شحادة والي زعلني اكثر عائلات ازواج اخواتي بيزعلو انه امي ليش مابتجيب شي غالي او انها ما تشتغل بالصوف طيب انا ما فكرتي بعائلة زوجي لما تشوف الديارة حفيدهم الي انتي تكفلتي فيها اكثرها شحادة بس الحمدلله بيت حماي ناس كتير طيبين وزوجي كمان الحمدلله وما دققو ولا حتى حكو بس لو كانو بدققو بيحكو ياترا كانت عاملتني مثل اخواتي انا هلق كثير مزعوجة قات بدي حكيها مرة ثانية عشان تشتغل لابني مثل ابن اختي بس مابعرف معقول انا غلط انصحوني منشان الله راسي رح ينفجر وعيوني نشفت من البكي ع حالي و على اطفالي