زوجي كان طيب جدا جدا عندي ولد والحين حامل ببنت بدايه الحمل مرررره مستأنسين فجاءه صار يتكلم عنً اخوياه انهم باعو ذهب زوجاتهم وكذا وقال أنا مستحيل ابيع ذهب زوجتي بعدها باقل من شهر إلا اشوفه منطقر ومعصب ولا يجلس معنا وصار ينام لحاله!!! سالته قال مافيني شي فجاءه بيومين إلا هو يقول ابي الذهب ابي ابيعه محتاج فلوسه هو مو محتاج ابدآ قلت لا معليش هاذا ذهبي مستحيل ابيعه قام يقول انتي ماوقفتي معي انتي ونتي ونتي وزعلاااااان قال خلاص أنا حطيتك براسي بعد ذا الموقف؟ المهم الحين لا صار يتقضى للبيت ولاشي واذا طلبته شي يقول ماعندي حتى ملابس البنوته مو راضي يتقضى رغم اني ب الثامن؟ وربي قتل فرحتي البيت فاضي مافيه ولاشي وهو ياكل تحت عند اهله ولا برا ف الاستراحه تكفون مشورتكم💔💔💔
العضوة: 1499895 , 5 hours ago
كلمي رجال من اهلك او اهله لاترضخين له بذهبك هذا حقك كلميهم خليهم يتفاهمون معهالعضوة: 2091364 , 4 hours ago
الصبر ياقلبي يمكن عبو رأسه اهله أو أصحابه تفاهمي معهالعضوة: 2099708 , 4 hours ago
مو راضي نتفاهم أصلا بس يجي وقت النوم ويطلع لا يجلس ولايسولف ولا شيالعضوة: 466947 , 4 hours ago
انزلي كلي مع اهله واشربي زيه لين يتقضى لببتكالعضوة: 2099708 , 4 hours ago
ماعندي إلا أمي مابي ادخلها بمشاكلي😔💔💔💔العضوة: 2104086 , 4 hours ago
انزلي لاهله واكلي عندهم واي شي بنقص عندك اطلبيه منهم لو كل يوم واذا قالوا شب قولي فلان رافض يتقضى للبيت واذا استمر الوضع كذا ارفعي عليه في ناجز نفقه ومعيشه هو غصب عنه يصارف البيت من حقوقك ترى لاتخافين وتشيلين هم تابعي ام اليسر وشوفي كلامها للبنات اللي مثل وضعكالعضوة: 2104086 , 4 hours ago
قولي لو انك طالب ذهبي على شي يسوى وفيها دخولك للسجن والله لافزع لك وما اخليك لكن تطلب ذهبي على اشياء خربوطيه الله لايحوجك لي ولا لغيريالعضوة: 2104086 , 4 hours ago
نقص عليك اكل كلمي اهله وقولي ابي كذا وكذا وبالدقيقه اطلبي واذا قالوا شي قولي فلان طلبني ذهبي ولما وفضت قال ماني مصارفك ودا مصارف بيتك وسحب علي وصار ياكل تحتالعضوة: 2104086 , 4 hours ago
وبعدين هزئيه قولي الرجال صاروا رجال بعزة نفسهم وافعالهم مو بروحون للحريم ويطلبونهم ذهبهم مايطلب الحرمة ذهبها الا الرخمهالعضوة: 2099708 , 4 hours ago
والله قلت له كذا قلت لو محتاجه ف شي كبير مايغلى عليك بس مطنشني يعني يبي ياخذه بلي هيالعضوة: 2099708 , 4 hours ago
هو يقول كذا قال اكلي حالك من حال اهلي اهله كبار ف السن بس عمتي وعمي فقط وأكل الشيبان تعرفونه يعني أنا ماهمني الاكل عادي بس للحين ماخذيت للي بطني ولاشي😔العضوة: 2086664 , 4 hours ago
تبين تتصفقين انتِ اقول ماعليك منه انتبهي لنفسيتك وكلمي ابوك او رجال حولك وفهميه وقولي له انك مقهوره بس قدام زوجك لا تبينين انك ضعيفه قهرنييييي الله يعينك ويهون عليكالعضوة: 2099708 , 4 hours ago
تصدقين والله العظيم عنده خير عنده غنم وعنده عمال وعنده أرضيتين بس هو حاب يعاندني ليش اني رفضتالعضوة: 2099708 , 4 hours ago
ابوي متوفي واخوي الوحيد مسجون ماعندنا حد إلا امي وخواتي مايقدرون يسوون شي وربي لي شهرين ساكته ماتكلمت بس مع نفسيات الحمل محد موقف معي ولاحد حاس فيني تعبت والله😔العضوة: 2105881 , 4 hours ago
@user-2099708 طيب خلينا نفكر بذكاء ... شوفي ممكن هو فعلاً مضغوط بس مايبين ابد والشي الثاني ممكن يبيك تصيرين زي حريم اخوياه انك فزعه وراية وقفه وانغبن ... طيب انتي تعرفين شخصية زوجك هو وفي يعني اذا اخذ شي يرده ومايكذب اذا قال كلمه يوفي فيها؟ .. اذا اي عطيه ... لكن تدرين ايش المصيبه بعدين اذا بغى منك شي وعييتي يحرمك من الاكل ويعاقبك به ويقول ذي ضعيفه اسوي فيها كذا عشان توافق ... بس مافي الا حل واحد ... دامه مجوعك ومافي اكل فوق ابد ... عبي الشنطه ملابسك كلها قدام عيونه واذا قال وين بتروحين قولي ودني للاهلي وخل اخوياك ينفعونك بكلامهم .. وطنشيه لاتردين عليه لو يبربر وروحي للاهلك وطنشيه مره ومرتين لاتردين عليه ابد لين يكلم امك واذا رجعك وحاول فيك وكلمك قوليله اذا كنت رجال وماتخلي الرجال يلعبون بعقلك والي عشانهم حارمني من الاكل ومطنشني ذاك الوقت ارجعلك .. اما تسوي كذا عشان ذهب وانت الله منعم عليك وعندك خير ومو محتاج له وعشان اخوياك المخببين تبي تاخذ ذهبي ف انسى ارجعلك ... واذا طلعتي من بيتك خذي ذهبك وحطيه عند امك .... عندك هالحلين واوتي شوفي الي يناسبك والي تعرفين لظروفك