العضوة: 906551 , 5 years ago

@user-901574 الله يتمم لك بخير يارب 🌷

العضوة: 906551 , 5 years ago

@user-96391 صحيح كلامك هذا بالمستشفيات الحكومية .. لكن بالخاص دكتورتك تجي وتولدك بالذات اذا قيصري .. انا ولادتي بإذن الله راح تكون بالتعليمي مع دكتورتي اللي اتابع معها بعيادات النخبة لكن بالقسم الخاص في التعليمي يعني على حسابي عشان كذا راح تكون دكتورتي بإذن الله وولاداتي كلها قيصري 🌷

العضوة: 906551 , 5 years ago

بنات بأي أسبوع أكدوا لكم جنس الجنين ؟؟ وبديتوا تجهزون ولا لا ؟؟

العضوة: 531323 , 5 years ago

انا بالاسبوع 33 وراح اولد في الحكومي ان شاء الله مراحعتي كانت في الخاص والحكومي الاثنين الخاص اروح اسوي سونار و اتطمن كل شهر لان مواعيد الحكومي متباعدة و مو كل مرة يسوون سونار

العضوة: 96391 , 5 years ago

@user-906551 بس القيصريه حبيبتي دكتورتك تجيك ولدت ببكري في السعوديه في بروكير الخبر دكتورتي مو موجوده لان مو وقت الشفت حقها جاتني زياره ثاني يوم من ولادتي بس الا اشرفت علي استشاريه ثانيه هي الا وصفت لي العلاج انا اخر سنه لي طب اعرف النظام اذا قيصري الدكتوره تنسق لك موعد العمليه ع جدولها اما الطبيعي فجأه ماحد يدري عنه الدكتوره يكون عندها يوم بالاسبوع تداوم 24 ساعه ف اذا كان من حضك وقت تولدين وهي مغطيه بالمستشفى بتجيك صار لي كم مادري عن مستشفيات السعوديه توني من كم شهر عرفت عن الحبيب والحين من عندك قرأت النخبه شنو رايك فيه وفيه غرف خاصه بعد الولاده ؟ انا بتخرج ب اذن الله نهاية شهري الثامن وع بالي ان ارجع البلد بس امس تكلمو معانا بخصوص استلام وثيقة التخرج ف صار الوقت بنص شهري التاسع وهنا ترددت اولد في السعوديه او بولندا بس دخلت ع موضوعكم استفيد من تجاربكم وارائكم عن المستشفيات الله يسهل علينا في وقتنا ويرزقنا اطفالنا بسلامه ❤️❤️

العضوة: 2617 , 5 years ago

@user-531323 حولوك لمستشفى للولاده ولا

العضوة: 96391 , 5 years ago

@user-906551 الاسبوع 17 عرفت معاي بنوته

العضوة: 906551 , 5 years ago

@user-531323 الله يتمم لك ويسهل عليك يارب 🌷

العضوة: 906551 , 5 years ago

@user-96391 اميييين يارب يسهل علينا جميع 🌷 بالنسبة لي ماحبيت الحبيب لأن موعد الالترا ساوند مو بنفس موعد الطبيب ومو هو اللي يسويه وانا بكل عيالي متعوده اروح موعدي ودكتورتي بنفسها تسويلي الالترا ساوند كل شهر وتتطمن وتطمني باستثناء التفصيلي ترسلني لقسم الأشعة .. النخبة من اسمه متواجدين فيه نخبة الاطباء اغلبهم استشاريين واخصائيين مميزين بالمستشفيات الحكومية ويجون النخبة بارت تايم .. حالياً دكتورتي هي رئيسة قسم النساء والولادة بالتعليمي لكن اتابع معها بعيادات النخبة مو التعليمي والولادة مافيه قسم ولادة النخبة انتي تختارين وين تولدين .. لكن انا لأني حابه دكتورتي هي اللي تولدني قررت اولد بالتعليمي في القسم الخاص معها 🌷

العضوة: 906551 , 5 years ago

@user-96391 انتي تقريباً معاي انا ثاني يوم بالاسبوع 18 وقالت لي احتمال بنت 😍

العضوة: 96391 , 5 years ago

@user-906551 حبيبتي مبروك البنوته والله يجعلها من الصالحين البارين فيكم انا دخلت الحين 27 اسبوع

العضوة: 614370 , 5 years ago

بما انكم بالشرقيه قد جربتوا دكتوره هويدا بمستوصف الأحمدي ؟ واللي جربتها كيف كويسه ؟

العضوة: 531323 , 5 years ago

من الشهر الرابع طلبت تحويل للنساء و الولادة لكن قالو مايحتاج نحولك هناك بنحطك مع استشارية في مركز صحي القادسية وهي بداية رمضان حولتني على الولادة.. كنت اروح هنك قبل التحويل عشان الابر و السونار التفصيلي و تحليل السكر الحين رحت موعد للولادة وموعدي الجي بعيد شوي

العضوة: 96391 , 5 years ago

@user-906551 اها يعني النخبه عيادات خارجيه فقط الله يختار لنا الخير ويقومنا بسلامه بس ليش ولادتك قيصريه ؟

العضوة: 906551 , 5 years ago

@user-96391 الله يبارك فيك ويبارك لك يارب 🌷 لأن عندي 3 اطفال كلهم قيصري بسبب ضيق الحوض عندي