السلام عليكم دخلت الاسبوع الاربعين وبدات تجي معاي آلام ببطني ورحت المستشفى (خاص) عشان اجرب ولادة طبيعية مع ابرة الظهر دخلت المستشفى وكان الرحم فاتح ٣ سم وقبلها بيومين كنت كاشفه وفاتح ٢سم دخلت المستشفى وجلست يومين هنا والرحم مثل ماهو ٣ سم طبعا كانو يجون الدكاتره يقولون بنسوي فحص بس كذابات كانو يسوو تحريض وكان جدا مؤلم الا ان جت دكتورتي اللي مراجعه معاها وقالت بفحصك وصدقت انا وكان معاها ٣ دكتورات و ممرضتين دخلت يدها باقوى ماعندها لدرجت صرخت صرخه هزت المستشفى بكبره وبعدها رفضت تطلع يدها وانا اصيح عليها واقول اتركيني ورفضت بل خلت الدكاترة يمسكوني وكملت حرفيا بغيت اموت ، وسوت تحريض وفتح الرحم ٤ سم وودوني لغرفة الولادة (غرفة مأساتي في ذاك اليوم) وعطوني ابرة ظهر الساعة تقريبا ٨ بالليل ، جلست على وضعي ويقولون بيفتح كل ساعه سانتي الرحم اللي حصل مافتح شي و الدكتورة اللي راجعت عندها قالت نعطيها طلق صناعي بنسبة قليلة لاني قيصرية سابقه وبدأنا المعاناة كان طلقي بارد جدا للاسف طبعا كان يجيني طلق بس ما احس فيه لاني حاطه ابرة ظهر الا ان بدا يزيد الطلق مع الطلق الصناعي اللي كانو مسوينه لي وكل شوي انادي دكتور التخدير عشان يزيد الجرعة طبعا جلست على وضعي ذا من ٨ بالليل لين بكرة الصباح الساعه ٥ الفجر هنا شدت الالام علي من دون لايفتح الرحم الا نسبه بسيطه والالام تزيد واطلب زيادة مخدر وهكذا كنت اصرخ من الام الطلق كان مؤلم لدرجة ماتتصور كنت اصيح وقت الطلقة واذا هدت اغمى علي ويصحوني طبعا انا قلت لهم ابي قيصري خلاص ويطنشوني ولا كان فيه ادميه تتكلم ويطلع الصباح ويزيد الطلق ويفتح معاه ٨ سم كان مؤلم بدرجة بشعه وبدا يزيد لين صار ٩ ونص هنا بدا اكشن جديد مؤلم بالنسبة لي ولن انساه في حياتي ابداً كنت ادفع والجنين مانزل لعنق الرحم بس ادفع ويطلع بس من تروح الطلقة يرجع ورا كم سانتي وهكذا لين جت دكتورتي(دكتورة المجزره) قالت راح تولدي طبيعي يعني تولدي وانا اترجاها يزيدون جرعة مخدر وترفض اطلبها زي الشحاذة وترفض وبعدين طلبتها قيصري ورفضت قالت مافيييي قيصري طبيعي يعني طبيعي وحطتني وضعية الولادة رفعت رجولي ومع كل طلقة يطلع راس البيبي للعنق ويرجع قالت راح نشفطه وبدات تشفطه ويطلع راس البيبي النص وباقي ماطلع الباقي وحاولت حاولت لين شاء ربي ويفرج علي ويطلع اخذوه وبعدها بدأت طامة ومصيبه جديده وفجأة جاني دكاترة كثار كلهم على راسي واصوات انا مدري وش السالفه كذا جتني لحظة سكون وهدوء دكاترة عند يديني يركبون ابر ودكاترة عند رجولي مدري وش يسوون يعني فوق ١٥ ادمي علي طلع معاي نزيف انفك جرح العملية من داخل وقاعدة انزف انا دقو على طوارئ العمليات يستقبلون حالتي وبسرعه اخذوني للعمليات هناك دخلت واختفى كل شي وفتحت عيوني الا دكتور يتقوى فوق راسي ويتحمد لي بالسلامة ويقول عدينا مرحلة الخطر وانتي بخير وراح نوديك لغرفة التنويم ما احكي لكم عن الشعور يوم جاني زوجي قبل ادخل العملية وعيونه مليانه دموع ويبوس راسي يستودعني الله ولحظات ترقب وخوف طلعت بحياة جدبده واول ماسالت عنه زوجي احسبه تركني وراح لكن الحمد لله من قبل ومن بعد .