العضوة: 468256 , منذ 5 ساعات

ياروحي ليش ينتقدوكي الانسان بحب يكون عندو من النوعين ومو غلط شرع ربنا ماحرم هالشي وع كلامك بتولدي قيصرية انا ماعندي فكرة عن الزرع بس حبيت ادعيلك انو ربنا يرزقك تؤام صبيان وبجبر خاطرك وقلب ولاتكتئبي انبسطي بحملك الحالي وقولي يارب ارضيت فارضني قوليها بقلب مؤمن انو ربنا العاطي المانع

العضوة: 1783446 , منذ 4 ساعات

@user-1859948 حبيبتي، بعرف إنك تعبتي، وأربع حملات وولادات مش شي سهل أبدًا، الله يقويك ويجبرك ويفرحك بذرية ترضيك وتقرّ عينك. وإذا صار ببالك فكرة الزراعة بالحمل الجاي، خاصة بعد أربع بنات، هذا حقك كأم تتمني ولد، وحق قلبك تحلمي باللي ناقصك. بس بعرف كمان زوجك، مثل ما قلتي، كرامته فوق كل شيء، ورافض الزراعة من قبل، يمكن لأنه بيشوف فيها تدخل بالخلق، أو يمكن لأنه بيحسها مش طبيعية… الرجال أحيانًا نظرتهم للأشياء بتكون مختلفة، وبحاجة أسلوب معين ليتقبلوا الفكرة بدون ما يحسوا إنه أحد بيجبرهم أو بيتحداهم. نصيحتي لك: لا تفتحي الموضوع كطلب، افتحيه كـ “حوار”، قولي له مثلًا: “أنا حاسة إني عطيت من عمري كتير، وربي أكرمني ببنات الحلال، بس قلبي بعده بيتمنى ولد، مو كرمال الناس ولا الكلام، كرمال قلبي بس. وإذا ربنا أذن، وقررنا نزرع، مش لأنه الطبيعي مو كفاية، لكن لأنه وسيلة نختار ونرتاح شوي بعد تعب سنين.” وبخصوص سؤالك عن الزراعة نفسها، حبيبة قلبي لا تخافي: ما في شي اسمه تضلّي نايمة طول الحمل. الراحة بس بالأيام الأولى، وبعدها الحمل طبيعي. الزراعة مجرد وسيلة مساعدة، مو مرض ولا خطر، وكتير نساء بيحملوا منها وبيكملوا حياتهم عادي. وإذا بدك دكتورة بدل دكتور، في كتير مراكز فيها طبيبات ممتازات، وبيتابعوا الزراعة من أول خطوة لآخرها. أما عن العمر، بالعكس، عمرك ممتاز للزراعة إذا الله كتب، ولساتك بمرحلة الخصوبة الجيدة. وأمك الله يحفظها، يمكن ما زبط معها الزراعة لأنه صار بعمر متأخر أو لأسباب صحية، لكن كل جسد غير، وكل وحدة قصتها مختلفة. أنا معك بالدعاء من قلبي، وإن شاء الله الحمل الجاي يكون أجمل وأريح، وبالولد اللي تحلمي فيه، وتفرحي فيه وتكبّريه

العضوة: 1859948 , منذ 4 ساعات

@user-468256 .. أمين يارب .. ويجبر بخاطرك ويطعمك الي بالك يارب 🌻🌻🌻

العضوة: 1859948 , منذ 4 ساعات

@user-1783446 ... والله الحمدلله حكيت مع زوجي لما كان عمري ٢٦/٢٧.... ورفض رفض قاطع .. قبل اسبوع كنا نتاقش عادي وبناتي بحكو كنا حابين اخ بس ماما فيها بنت وصار زوجي يحكي ان بدي ولد يحملني ما ابقى طول عمري احملكم... فانا حكيت لو انك رضيت بزراعه ( الوضع المادي الحمدلله) كان كنت حامل بولد ولكن الحمدلله .. صار يحكي اانا مافيني اشي لو اتزوج رح افرجيكي ان رح اخلف ولد... صرت ابكي من كلامو جارح .. وبعدين هو استغفر ربنا ع كلام.. هو عصب ليش امس كرامتو وحسها مثل نقص برجوله امين يارب ويجبر بخاطرك ويطعمك الي بالك انا طبقت ٢٨ بشهر 7 ... وحابه ازرع قبل ٣٠. ولكن خايفه من دار عمي يحكو بتخلف ورا بعض وكمان المسؤوليه

العضوة: 1783446 , منذ 4 ساعات

@user-1859948 اي يقلبي هو طبيعه الرجال وتفكيرو مثل ماتفضلتي مايحب يعرف انه هاذ الزرع منه وهو عارف انو انتي مالك دخل عباره ارض وهو يزرع بس مايحب ينقص من كرامته انتي كبري راسووو امدحيه حببي فكره الزرع ببالو مثل ماكتبتلك فوق اختاري وقت للحوار يكون وقت مناسب وباذن الله قرارك صح اختصري ع حالك ازرعي توائم ذكور اكثر من بويضه حددي الجنس وخلاص ارتاحي بعدها ربك قادر يعطيك ٣ ذكور مره وحده قولي يارب

العضوة: 1783446 , منذ 4 ساعات

@user-1859948 دار عمك ماراح يفيدك وحكيهم حطيه تحت رجلك فكري بسعادتك وسعاده عيلتك والباقي طنشيه اهم شي انتو ياقلبي معك فرصه ٨ سنووات ضمنها لازم تزرعي قبل عمر ٣٧ افضل أولدي بخير وخلي بنتك طبق ١ سنه وامشي باجراءات الزرع ونصيحه اخيره استعيني ع قضاء حاجتك بالكتمان ❤️🦋

العضوة: 1859948 , منذ 3 ساعات

@user-1783446 ... زوجي من نوع قناة جزيرة غ اخباري اما لما. يكون صاير اشي بدار عمي بضلو ساكت. انا عندي اخت زوجي تزوجت مرتين ولكن ماصار عندها حمل وهسا ساكنه عند دار عمي ...لانها مطلقه اخذ بنتي الثالثه وهي عمرها ٨ اشهر وحكالي عندك ثنتين اتسلي فيهم .. اختي ياحرام لحالها وبدها اطفال... ضليت ابكي ع بنتي لين رجعها ... هاد الحمل بدو يوخذ بنتي من اسبوعها الاولى علشان ماتبكي مثل بنتي الثالثه وتتعلق باخت زوجي مثل امها .. ونا رافضه تماما بس هو برد دير بالك ع بناتك ٣.. واختي اكيد رح تهتم بالبنت ورح تربيها احسن من تربايتك هههه .... كمان نفسي عنجد اكتم لين اشوف الحمل ولكن زوجي بنشر ...وسلفاتي عندهم بنات واولاد وحده جابت ولدين بعدين بناات نفسها بولد او الي عندهم اولاد وبنت وحده بتحكي نفسها تزرع توأم(بتحب توام) وتانيه الها ٧ سنين بتحاول تحمل وعندها ا ٣اولاد وبنتين .. فبتعرفي النفس والحسد الو دور ونا ناوي ان شاء الله بس بنتي طبق سنه ابلش اتعالج لزرعه انا وزوجي ولين اولد بكون عمرها ٣ تقريباً

العضوة: 745112 , منذ 3 ساعات

العمليات الحقن وولا أنابيب مهي مضمونه الحمل ناس كثيره عملوها وفشلت كم مره وشعرو باحباط انا كنت بسوي حقن مجهري بعد ماولد بسنه بس من كثر ما الناس فشلت صرفت وجهه نضر،عنها رغم اني عندي بنات وودي في ولد عسى الله يرزقني بولد يوما ما احمل بيه طبيعي

العضوة: 468256 , منذ 3 ساعات

قيام الليل صدقيني هو الحل الوحيد سهام الليل لاتخطئ قبل الفجر بنص ساعة قومي ادعي وألحي وألحي وربنا رح يرزقك عم بقلك عن تجربة بعد ٣ بنات ربي رزقني باابني من غير حولا ولاقوة مني الحمدلله حتى يبلغ الحمد منتهاه

العضوة: 1640933 , منذ 3 ساعات

لا حبيبتي لانتقاد ولا اشي كلنا بدعي ربنا وبنتمنى يكون عنا ولاد وبنات انا عندي 3بنات هاد الحمل رابع الي وليل نهار بدعي ربنا يكون ولد اما بخصوص جوزك صاحبيتي جابت لجوزها 7بنات وهاد الحمل 8الها وطلع فيها ولد الحمدالله ان الله يهب لمن يشاء اناثا ويهب لمن يشاء ذكورا ان شاء الله بعد هاد البطن الله يبعتلك توم ولاد بجاه سيدنا محمد الزمي الصلاه والاستغفار والصيام وقرات القران

العضوة: 1980990 , منذ 3 ساعات

يارب بعد هلبطن م بتحسي وتدري الا حامل بتوام ذكور يارب الله يرزقك عاجلا غير اجلا

العضوة: 1640933 , منذ 3 ساعات

@user-468256 والله انك صادقه سلفتي جابت 3بنات والكل حكالها حملك رابع اعملي زراعه حتى جوزها هي رفضتت وضلت تدعي ربنا وتقرا سوره البقره بنيه استجاب الدعاء وتصلي وتصوم والحمدالله فيها ولد هسا ربنا قال ادعوني استجب لكم ان الله على كل شئ قدير

العضوة: 468256 , منذ 3 ساعات

ماشاءالله ربنا يحفظلا ياه ويقومها بالسلامة سبحان المعطي هي ايقنت انو ربنا مارح يخجلا واستنجدت بربنا وتوكلت عليه حق اتكاله وايقنت الاجابة رغم كان فيها تلجئ للطب مع هيك لجأت وعرفت انو ربنا المعطي والحمدلله الله ماخجلها لأنها ايقنت الاجابة فاستجبلا

العضوة: 2041869 , منذ 3 ساعات

زرع بتمضي على ورقة لانو وسيلة ممكن تنجح وممكن لا ممكن ضيعي مصاريف وجهد ومايضبط الحمل من الاساس هو بيحدد الجنس بس مش مضمون انو الحمل يتبت او لا نسبة قليلة بنجح معاهوم وكل ماعملت اعادة تدفعي فلوس