السلام عليكم أنا حبيت احكي حكايتي من جهة عشان اللي تقرا تعرف و تتأكد أنه الله كريم و رحمته كبيرة و عنده العوض الجميل خاصة لما نصبر و من جهة حابة كل وحدة تقرا كلماتي تدعيلي حتى بينها و بين نفسها أنه الله يتمم حملي على خير و أشوف ابني بين احضاني بعافية تامة دون زيادة أو نقصان يا رب العالمين 🤲 أنا تزوجت عمري 23 سنة و جبت بنتي الاولى صحيح كان حملها صعب شوي و ولادتها كانت صعبة جدا بس الحمد لله اجت بخير و كانت صحتي بخير بعدها بسنتين حملت بولد و اجاني سكري الحمل و صارتلي مشاكل و ولدت ابني بصعوبة كبيرة كنت راح أموت و ابني مسكوه بالعناية 12 يوم و بعدها الله حبه عصفور جنة مات ابني 😭😭😭 تعبت كتير و تأزمت بعدين قلت الحمد لله على كل شيء يجي من رب العالمين و رجعت لحياتي ما عدا اني قررت ما عاد احمل ضليت سنتين و نصف دون حمل بنتي كبرت و صارت كل يوم تبكي ليش ما عندي اخوات و توجعلي قلبي فقررت اضحي عشانها و حملت و أنا بالاسبوع الثامن رحت اكشف و الصدمة الجنين توقف عالنمو و اجهضته بعملية و نفسيتي ادمرت اكثر 😔😔 بعدها ب 7 أشهر حملت ثاني و يا فرحتي لما عرفت انهم توأم فرحة كبييييرة و بالاسبوع العاشر الصدمة توقف النمو و عملت عملية اجهاض و بكيت أنا و زوجي و بنتي بكااااء مر و بعدين حاولنا نتجاوز بعدها ضليت 8اشهر و حملت و الدكتور وصفلي ابر السيولة من أول يوم لغاية الولادة و نسيت ما قلتلكم اني أصلاً صرت مريضة سكري نوع 2 و بالحمل استعمل الانسولين من أول شهر للتاسع و مر عليا حمل صعب صعب ما اوصف و نزلت بالوزن و تفكير ليل و نهار و بعدها الله عوضني الحمد لله رب العالمين و بعد مشقة كبييييرة ولدت ريحان الغالية بصحة جيدة الحمد لله و الدكتور قال يكفي حمل صحتك ما تتحمل فقررت أربي بناتي و يا رب الف حمد و شكر ليك لكن بشهر رمضان اللي فات حصل ما لم يكن في الحسبان و صارلي تأخر دورة و عملت تحليل و الصدمة أنا حامل دخت و صرت بدوامة كبييييرة . صليت صلاة الاستخارة و طلبت ربي كتييييير انه ينورلي طريقي و يدلني شو اعمل و بعد الصلاة حسيت براحة كبرى و رحت كشفت و لما سمعت دقات القلب قررت اترك الجنين و اضحي بصحتي و حياتي عشانه و الآن أنا بالاسبوع 18 و كالعادة بابر السيولة و الانسولين و صحتي تعبانة كتير و متوكلة على رب العالمين يوصلني بخير و عافية أنا و هو و يفرحني بابني و لا يوريني شر ادعولي الله يخليكن و يفرحكن . الله كريم و عندي ثقة في رب العالمين ما يخيبني و يسعدني 🥰🥰🥰🤲🤲🤲🤲🤲