رح احكيلكن قصه ولادتي عقبال كل الحوامل بولاده سهله وميسره كان عندي موعد ورحت لعند الدكتوره يوم الاربعاء الساعه 2 ونص كان فاتح 5 سانتي حولتني ع المشفى قلتلا عطيني ساعتين ارح ع البيت ازبط اموري وبعدين اروح المشفى قالتلي الساعه خمسه روحي وانا بكون بالمشفى رحت ع البيت غديت ولادي وجليت وزبطت اموري وع الساعه 5 ونص كنت بالمشفى فحصوني الممرضات وقالولي لسه 5 قلتلون بدي ابره الظهر قالولي هلق لنحولك ع غرفه الولاده وبعد ساعه ونص حولوني ع غرفه الولاده واجا دكتور التخدير عطاني الابره وراح وبعد نص ساعه اجت الدكتوره فحصتني قالتلي صار 7 وطقتلي ميت الراس وراحت اجت بعد ساعتين قالتلي صار 8 بس لسه الراس عالي بس لاتخافي مع الطلق ينزل رح ارجع الساعه 10 اجت فحصتني قالتلي البيبي صار تحت وصرتي 10 سانتي صار وقت الدفع والحمدلله خمس دقايق كنت ولدانه ومنضفه وشفت ابني الحلو ونسيت تعب تسع شهور