3 years ago
  • المرحلة الثالثة (الأشهر 9,8,7)
ساعدوني 🥺💔 انا الي اسبوعين بالشهر التاسع ومعي التهابات وكان ينزل علي التهابات بس من مبارح لاحظت انو بنزل بس مي لحال يعني مو متل اول اول اشي كان ينزل افرازات مع ريحه وجربت اتعالج منها عالفاضي بس من مبارح مي لحال صحيت مبارح الصبح حسبت حالي مبلوله شوي قمت غيرت داخلي ورجعت قبل المغرب شفت مي بس برضو كتير قليله وحاليا صجيت متل هيك شو رايكم كيف بدي اتأكد انها مية الراس او اشي طبيعي الي مرت بتجربتي تفيديني لأني ما بجب اروج ع المستشفى الا لسبب قوي

55 تعليقات

العضوة: 1390706 , 3 years ago

@user-963303 الاردن

العضوة: 963303 , 3 years ago

روحي أفضل شي خليها تشوفك الدكتورة فكرت متل هون عنا بالسويد يقولوا عادي وقت ابني ضليت ٣ ايام تنزل مية الراس لحتى حملتهم المسؤولية لحتى عطوني طلق صناعي وولدت بس مادام انت ببلد عربي أفهم من هون وتفحصك احسن

العضوة: 1390706 , 3 years ago

@user-963303 ههه والله يروحي انا ما بدي اروح لانو عنا كمان ما بفهمو😭وبس بدهم يخلصو ولا كان من مبارح طلعت

العضوة: 1390706 , 3 years ago

@user-963303 كنت ناويه استنا لبكرا عشان اروح ع دكتورتي بس خايفه كتير

العضوة: 963303 , 3 years ago

لا روحي أفضل والله هيك شغلات ماتنهمل بنوب ديري بالك الله يطمن قلبك ويريحك يارب

العضوة: 1403776 , 3 years ago

احتمال كبير مية الجنين روحي اكشفي افضل

العضوة: 1439510 , 3 years ago

لاتخافي حبيبتي روحي اطمني صعب تعرفي الا عن طريق دكتوره اذا الميه نقصت يعني كانت مويته واذا لا ممكن من الالتهاب لاتخافي انت بوقت ولاده مافي شي بيخوف بس الاهمال بيضيع الواحد

العضوة: 273133 , 3 years ago

لازم تروحي تفحصي ياقلبي احسن تطمني

العضوة: 1465448 , 3 years ago

وهاد سبب قوي انك تروحي وتتطمني على البيبي خصوصا انك في شهرك ممكن تكون المي اللي عند البيبي عم ببتسرب منك وممكن تكون من الالتهابات اللي معك انتي بوقت جسمك لازم يكون رطب وكمية السوائل بجسمك لازم تكون منيحه مشان البيبي فلا تهملي موضوع

العضوة: 1390706 , 3 years ago

الحمدلله هسا روحت هاي المي مو مية الجنين بس طلع معي توسع ٢ ادعولي😢

العضوة: 1406578 , 3 years ago

@user-1390706 الله يقومك بالسلامة يارب باي مشفا تولدي

العضوة: 1390706 , 3 years ago

@user-1406578 انتي من الاردن؟

العضوة: 1406578 , 3 years ago

@user-1390706 ساكنة بالاردن انا من سوريا

العضوة: 1269118 , 3 years ago

دكتورة تعبانة الالتهاب افرازات وموية لزجة مو شفافة زي السائل الامنيوسي الدكتورة مأثر عليها الصيام بما ان فتح ٢ اكيد موية الجنين تتسرب شوي شوي الكيس مشقوق 🏃‍♀️

العضوة: 1390706 , 3 years ago

@user-1475597 يروحي الله يسمع منك امين يارب كم بدي يعني🤣