أحياناً أحس إنّي واقفة في مكان ما يعرفه غيري مكان هادي بس ثقيل، كأنّي أشوف الدنيا تمشي قدّامي وأنا واقفة لوحدي. كل البنات اللي بعمري تزوّجوا، انشغلوا بحياتهم الجديدة، وأنا… ما زلت هنا. مو ناقصني شي، بس رغم هذا كله ما في أحد حاول يتواصل معاي من قلب، ما في أحد شاف روحي قبل شكلي أو احتياجه أحاول أكون قوية، أقول لنفسي إن الزمن ما يقارن ولا يقيس السعادة بزواج أو علاقة، لكن الصراحة؟ يوجع. يوجع لما تحسين إنك تبين شخص يفهمك، يسمعك، يحترمك، ويجيك نصيب نظيف… وما يجي. يوجع لما اللي يكلمونك نيتهم مو نظيفة، وكأن احترامك لنفسك صار عقبة بالنسبة لهم أحياناً أرجع لنفسي وأتساءل: ليش؟ هل فيني شي؟ هل أنا أقل من غيري؟ رغم كل هذا يحق لي أزعل. يحق لي أحس بالوحدة. يحق لي أتمنى اهتمام صادق. مو غلط أبداً إنّي أتألّم من اللي قاعد يصير، لأنّي إنسانة. أنا مو ضعيفة أنا فقط تعبت. تعبت من الانتظار، من الوعود الفارغة، من الناس اللي تكلمت معي بنوايا قذرة، من كل لحظة حسّستني إنّي مو كافية أو إنّي مؤقتة بس بعمق قلبي، أعرف إن ربي ما نسى أحد. وإن اللي له نصيب بيجي، وإن اللي قلبه صادق رح يطرق بابي يوم، من غير ما أذل نفسي، ومن غير ما أتنازل عن كرامتي. ورغم كل هالمراره ما زلت متمسكة بإنّي أستحق شيء أجمل بكثير. أستحق شخص يشوف قيمتي، يحترمني، ويكون معي من قلب شو اسوي يا بنات ساعدوني💔