الحمد لله انتهت رحلة وهن على وهن

المواضيع

2 years ago

مرحلة مابعد الولادة

الحمد لله الله أكرمني و خلصني بالسلامة أنا و طفلي كرم ولدت اليوم قبل المغرب و جبت صبي لله الحمد كان عندي طلق بطيء و مازاد لانو عندي غدة درقية و نيموني في المستشفى من يومين لأنو الرحم فاتح و اخدت ابرتين رئة لانو حجم الطفل صغير و زادت نبض القلب عندو فاليوم حطولي طلق صناعي وولدت بعدو بساعة و نص الحمد لله بدون خياطة عقبال الي الي ينتظرو الولادة الله يهون عليكن و تولدو و تقومو بخير و سلامة أنتو و أطفالكم يا رب يا بنات اهم شي انكن تمشو كتير و بس حسيتو بطلق اعملو تمارين القرفصاء هيك حكتلي الدكتورة و استفدت الحمد لله ولدت بدون خياطة و نزل الطفل لوحدو حتى الدكتور كان برا الغرفة و جا ركد حتى مسك الطفل 😅 و أهم شي التنفس و انكن لما يجي الطلق تدفعو كويس بكل قوتكم و ان شاء الله بيسر عليكن و بتولدو بسرعة

141 تعليقات

العضوة: 1407599 , 2 years ago

بسم الله ماشاء الله الحمد لله ع سلامتك يارب. اي اسبوع ولدتي وقديش وزن البيبي. انا حولوني عالمشفا كرمال احط موعد قيصرية

العضوة: 1497598 , 2 years ago

عطينا نصايح شلون نخفف الام الطلق وبسرعه نولد انا ماكنت بعرف وماحكولي كيف اتصرف وهل مرا كتير خايفه 🥺

العضوة: 1387889 , 2 years ago

@user-507736 الله يسلمك و يبارك فيكي يا رب 🤍

العضوة: 1387889 , 2 years ago

@user-1407599 الله يسلمك و يبارك فيكي حبيبتي و يا رب ييسر أمرك و تقومي بخير و سلامة أنتي و طفلك 🤍 ولدت في الاسبوع 37 و خمس ايام بس السونار عاطي عمر 35 اسبوع لانو حجم الطفل صغير وزنو 2700

العضوة: 1387889 , 2 years ago

@user-1497598 حبيبتي الولادة كلها متعبة و مافي شي يخفف الألم بس حاولي تكوني هادية و ما تتوتري و تخافي و وقت الألم القوي حاولي تخلي نفسك منتظم وقت الألم ادفعي بكل قوتك و بس راح ارتاحي و تنفسي عشان ما تروحي طاقتك و بتولدي بسرعة بإذن الله و دكتورتي حكتلي وقت الألم يجي اعمل تمرين قرفصاء و اضغط لتحت ووقت يروح الألم امشي مشيت كتير و عملت تمارين على الكرة كتير استفدت و فتح الرحم بسرعة و كان عنق الرحم لين ماشاء الله ما احتجت خياطة بس انا ضليت ثلاث ايام بالمشفى مشكلتي فتح الرحم بس ما كان عندي طلق و حطولي طلق صناعي بالوريد بس مو مخيف متل ما بقولو بالعكس لقيتو رحمة لانو الوجع القوي كان ساعة و نص بس وولدت الحمد لله يا رب و اهم شي عليكي بالذكر و ادعية الولادة و الاستغفار ما تركتها ابدا لوقت نزل الطفل و بدل الصراخ اقول يا الله ترحمني و الله بتتيسر معاكي الولادة ان شاء الله

العضوة: 70329 , 2 years ago

تبارك الله قصتك بتخلي الواحد يتفائل الف الحمد لله على سلامتك يتربى بعزكم يارب

العضوة: 1387889 , 2 years ago

@om omar 86 الله يسلمك و يبارك فيكي حبيبتي تسلميلي 💖 الحمد لله الله فضل علي و أكرمني كانت أسهل ولادة عدت علي عقبال كل الي ينظرو الولادة تكون ولادتهم سهلة و ميسرة و يشوفو اطفالهم بخير و سلامة يا رب