اللهم لا تكلفني مالا طاقة لي به واعفوا عني وانت خير الراحمين 🥺🤍
قررت اليوم اتحرر من التعب والارهاق وشعور الغضب و بما ان شفت بالحاسبة كل حامل بنفس أسبوعي تمر بنفس الي أمر فيه وحاولت اواسي البعض هنا لان حاسه فيهم وقلت لهم الي لازم اقوله لنفسي 🤍🙄
كلنا حالياً متكسرات وامهات وعندنا اطفال فوق الحمل والتعب في اطفال يومهم مايمشي غير معانا احنا ويحتاجونا 🥺💪🏻
لازم نكون بطلات ونقاوم ونتحمل
لازم نعطي كل مشاعر حقها ونجي نفضفض
هنا لو مالنا احد
وترى هرمونات الحمل تخلينا نعتقد ان ماحد من المقربين حاس لنا ونكبر الموضوع ونسوي مشكلة من لا شيء بعض المرات
هدي قبل تتمشكلي مع زوجك او تعتقدي اهلك مو حاسين لك او صاحبتك المقربة مو مهتمة لأمرك 👌🏻 كل شخص في خالزمن نفسي نفسي هل تعرفي وش تمر فيه صاحبك الحين ولا اختك يمكن توهم باكين من تقلب مزاج ولا عطوك خبر! ماندري 🥺
لو كنتي ام سوي الي باسويه هالفترة من روتين يساعدنا بأذن الله نكون افضل نفسياً وصحياً :
الي باسويه 👏🏻💪🏻
حطي رجلك بماي دافي منقوع ملح خشن
ودلكيها بكريم لو زوجك حولك وحاس فيك هالفترة خليه يساعدك انا حاليا ادلك جسمي بنفسي مشغول مو حولي 😅
اشربي لك شي يخليك تنامي مسترخية اتركي الجوال " اشربي حليب بالعسل "
حاولي تكون النومة مريحة حطي لك مخاد تخلي ظهرك و جسمك مرتاح والتكيف حسب مزاج
تحرري من من مشاعر الغصب والزعل وتعالي هنا فضفضي لخواتك 🤍
نامي كويس واشبعي نوم خصوصاً لو ماوراك درام او مسؤوليات دوامات اطفال
انا اجازة عشان كذا اجلس الظهر اشبع نوم قد ماقدر 💪🏻
" صار عندي فاصل اعلاني سولفت مع اطفالي وصار في نقاش حاد عشان ترتيب اللعاب والبكاء والدلع" نعطيهم حقهم وخلهم يعبروا عن مشاعرفهم بعد 😅
نكمل
عن نفسي اخليهم يلتهوا عني شوي ورحت اخذت حمام دافي وطلعت صح سمعت صوت بنتي عند الباب تبكي بس سيطرت على الوضع واخذت نفس قلت لها بلبس واطلع لك تجاهلت انها عند الباب تبكي
و لبست حطيت لي كريم يرطب جسمي عن التشققات شوفوا هنا مافي مجال اكون لحالي! تجري الرياح كما لا تشتهي السفن اتمنى المثل صح 😂
قررت اخليهم يشوفوا التلفزيون وهم جنبي
وبقوم اسوي لي قهوة تعدل لي مزاجي
وجداً سعيده لان تكلمت معاكم هنا
ملخص الموضوع سوي لك روتين مريح قد ماتقدري احطي نفسك حقها واطفالك حقها
وترى حضن طفلك يقويك ويقويهم
محتاجينك وانتي بعد تحتاجينهم 🥺🤍
مالنا غير مالهم غيرنا ومالهم غيرنا 🥺
اقترحوا شغلات تخفف عنا تعب الثلث الاخير
تقتروحوا مساج خفيف بالكوافير مثل بس رجل وراس ويد لو ننتظر لبعد الولادة؟
خلونا نقترح على بعض 😂💪🏻
بس اصحى ان شاءالله بسوي يوغا ترخي اعصابي
وبسوي تمارين تخفيف الم الظهر للحامل
ولو احتجت انام بعطي جسمي طلبه لو قدرت وانتي سوي الي تحبيه اكيد وحرري مشاعرك لو في شي مضايقك احنا خوات هنا 🤍🤍🤍👏🏻
لاني بثلث الاخير اعرف انك تتألمي من ظهرك وثقل بطنك وحركة الجنين صارت مؤلمة وان شغل البيت مو راضي يخلص
عارفة صدرك قاعد يتحجر استعداد للرضاعة
و من الثقل تجيك كتمة و البعض عنده الم برجله مثلي تتخدر رجلي دايماً
اعرف معاناتك ومشاعرك تماماً بس بأذن الله بتعدي ولاننا نساء ابطال واقوياء بنستعد لألم الولادة بكل حماس وبنتحمل السهر والتعب و تحجر الصدر للرضاعة و الم الرحب واحنا نرضع او نشفط ربي عطانا اجر و الجنة تحت اقدامنا ليش لان الي يصير لنا مو سهل ابببببداً احنا معجزة ربانيه
اترك المايك لكم 💪🏻
العضوة: 1476178 , 3 years ago
@user-1591175 امممميين ولك بالمثل يارب اسعدتيني جداً مافي اجمل من شخص يدعي لك في يومك 😩❤️❤️ الحمدلله رب العالمين شي مثل هذا لحاله نعمة احب اشكر ربي عليه واستشعرة 🥺❤️العضوة: 1476178 , 3 years ago
@user-1577697 ❤️❤️