السلام عليكم بنات بدي اسألكم لو سمحتوا الله يوفقكم تعبت انا حامل بالشهر السادس بالاسبوع 25 تعبت من التهاب المسالك البولية صابني بالرابع وارتفع الصديد ل 71 وعطتني الدكتورة مضاد حيوي والحمدلله نزل الصديد اخر الخامس حللت طلع معي رمل حكتلي الدكتورة كثر سوائل ومافي داعي لدوا بداية الشهر السادس حللت طلع معي التهاب بول الدكتورة طلبت زرع بول عملت زرع بول ماطلع معي شي التحليل سليم وظليت اشرب مي ليل نهار واليوم صابني وجع بالخاصرة اليسار من جهة الظهر شو اعمل والله العظيم تعبت من التهاب البول بشرب مي كثير وبظل رايحة راجعة ع الحمام بس أغفل شوي عن المي العفو بصير بولي غامق بركض بشرب مي تعبت من التهاب البول شو اعمل كثير خوفوني انو التهاب البول اذا ما تعالج بيعمل ولادة مبكرة أو بينتقل للطفل والله العظيم عشت ع اعصابي ما حملت ببنتي الا بعد تعب كان عندي من طليقي بنت وتوفت بعد الولادة فورا بعدها صار معي اجهاض والحمدلله ربي رزقني بابن الحلال وكرمني الحمل ببنتي بس التهاب البول تعبني وانا ماني ببلدي والدكاترة ما بترحم من ناحية المادة ادفعي بدفع بس تعبت ظل حلل وانوجع وخايفة ع بنتي شو اعمل مين صابها التهاب المسالك البولية وشو تنصحوني والله العظيم تعبت وعم أتوجع وأحط كل يلي عندي حتى ماقصر بحق بنتي يلي ببطني بس تعبت والله العظيم نفسي يمرق شهر بدون التهاب بول نفسي كمل حملي بدون وجع وخوف شو تنصحوني وادعولي الله يوفقكن رح حط صورة التحليل والزرع تحت