الموضوع بكتبته لكل امرأه حامل خوفوها بالتشخيص .. اليوم كان موعدي في مستشفى الحرس بالرياض عندي (اشاعة تفصيليه ) دخلت لاخصائية الاشعه وبدأت تسوي لي سونار وجلست تسألني اسأله شككتني انو فيه شي يخوف سالتني اذا زوجي يقرب لي او لا ؟! واذا طفلي الاول تم نقله للحضانه او لا بعد الولاده ؟! سالتها هل في شي يخوف ، ابي اتطمن !! قالت لا ما في شي بس البيبي مغطي على وجهه وما خلاني التقط له صور .. طولت وهي تسوي السونار ..بعدها طلعت ودخلت معاها اخصائيتين وجلسو ثلاثتهم يتكلمون بمصطلحات طبيه وكل وحده جلست تسوي لي سونار لحالها وتقوم الاول وتجلس الثاني وتسوي سونار ثاني وهكذا انا خلاص توترت الى اخر حد سالتهم عسى ما شر قالو لا لا هو بس مو قاعدين نشوف لان البيبي مغطي والاجابه ما كانت مقنعه قلت مغطي وشو بالضبط ؟! قالت انو البيبي معطينا ظهره وفيه مكان ما صورناها مو واضح انتظرت بعد مرور وقت طويل وبعد اصراري واسألتي قالت انا مو واضح لي جزء بسيط في الدماغ مو ظاهر لنا قلت كيف ؟! جلست تشرح تقول انو الفص الأيمن من الدماغ والفص الايسر من الدماغ بينهم حاجه فاصله تربطهم انا مو جالسه اشوفها مو موجوده عند البيبي وبعدها قامت تطمني تقول يمكن تشخيصنا غلط وما شوفناها ومن هالكلام قلت وش راح يصير قالت يكون عنده تأخر في الفهم والكلام والمشي وقالت موية الجنين زايده وطلبت مني اسوي تحليل الكروموسومات وقالت نبي بس نتاكد ما في تشوهات انا توترت وظلمت الدنيا بعيني وموعدي مع الدكتور بعد شهر ونتيجة التحليل تطلع بعد شهرين على كلامهم رحت لطبيبة اللي اراجع عندها بالمستوصف الخاص وحكيت لها كل شي قالت كل شي يكون واضح في الاشعه الصوتيه الـ 4D وكان هالاشعه مو شغاله بالمستشفى قالت اسويها بمستشفى ثاني طلعت ورحت مستوصف ثاني وسويتها عند استشاري اشعه حكيت له اللي صار وقال انا راح اشوف بدأ يسوي السونار وركز اكثر شي على الدماغ وسالني مره ثانيه هما ايش كان تشخيصهم قلت له انو قالو الوصله اللي تربط بين الفصين في الجمجمه غير موجوده قام يصور لي الجمجمه ويشرح لي قال هذا هو الفاصل اللي يقولون مو موجود وبدأ يدور على الفص الثاني الايمن موجود بس الايسر مو موجود قال لي شوفي هذا الايمن والايسر ما شوفته بس خلينا نحاول نشوفه اخذ كم صوره وبدا يتحرك البيبي وشاف الفص الثاني في الدماغ وقال لي هما الاثنين موجودين وكل قياسات البيبي سليمه الحمدلله وكل شي موجود ولا في اي شي يخوف وقال ختى المويه زيادتها نسبة بسيطه لا تذكر وما تخوف ابدا . الحمدلله من قبل ومن بعد انا كتبت الكلام وتجربتي عشان اطمن كل وحده خوفوها وقالو لها عندك مشكله او انو الطفل مشوه او من هالكلام امي تقول لي اثنين من اخواني قالو لها انو اطفالك حجم رؤوسهم غير طبيعيه تقول ما كنت اهتم لكلامهم وسبحان الله يجون طبيعيه وايضا وحده من اخواتي تقول صار لها نفس الشي قالو لها طفلك معاق اعاقة كامله والحمدلله انجبت طفل سليم ما فيه اي مشاكل رسالتي ابي اطمن فيها كل وحده خوفوها واقولها توكلي على الله ولا تهتمين لكلام الدكاتره لان في النهايه هذا تصوير ليس بدقيق بالذات في الحكوميه لان اجهزتهم تكون قديمه