بنات يلي متلي 🥺 حبيت اعطيكم شوية نصائح...بتمنى لو حدا قلي ياها ❤️#حضري اكل بالفريزر مثلا اقراص لحمة مقلية مع بقدونس وبصل اي شي يخطرلك لاني ما رح تحسني تعملي اكل ومافي حدا يعملك اذا بتحسني عصاير طبيعية ❤️# نظفي قد ما تقدري رح يتكركب البيت بعد الولادة ويأثر عنفسيتك فقدر الامكان مع انك تعبانة بالحمل حاولي يكون مرتب ❤️# حاولي تجيبي كل احتياجاتك والبيبي بكير لاني ما رح تحسني تنزلي تجيبي ومن النت بياكلو وقت ورح تندمي لو ما حضرتيهم ❤️# حضري مي وملح بالحمام لتغسلي فيهم ❤️#خلي عندك اكلات خفيفة متل التمر والمكسرات وشوكولاتة داكنة (بيدرو الحليب) ❤️# حاولي شوفي كتير فيديوهات عالرضع وعلى جرح الولادة وهيك لاني صعب كل شغلة بوقتها تدوري ولتتصرفي صح وبسرعة ❤️# حاولي تحافظي على النظافة وازالة الشعر والراحة لاني ممكن تطولي لتحسني تاخدي دش ❤️#جيبي فكاكات البيبي تبعات مرة واحدة وحطيها عتختك لاني غالبا رح يتوسخ التخت بدونهم ( ندمت اني ما جبتهم) ❤️#جيبي حليب صناعي للمشفى .. بتجي الصمغة قبل الحليب والطفل بجوع كتير .. عطيه معلقة وسط بس.. ما تكتري وممكن يصير حالة طوارئ ❤️# حا لي تصبغي شعرك قبل وتتمنكري بعد او تعملي من هالقصص الثابتة لاني ما رح تهتمي بنفسك فلو في هيك شي يغير نفسيتك وما تتمي تفكري بصايرة بشعة ❤️# حددي مين رح يولدك قبل بتكوني متطمنة قبل ونفسيتك غير اثناء الولادة ولما تصادفي طاقم سيء متلي ويعذبك ويعسرلك ويؤذيك بدل المساعدة ❤️#اول ما ترضعي تأكدي ياخد الهالة كاملة .. بتزيد تحفيز الحليب وبتخففلك الالم والتشققات