الحمد االله الذي تتم بنعمته الصالحات انتهت رحله وهن ع وهن وولدت بنتي (ليا) بخير وسلامه احجيلكم ع ولادتي اني بدت عندي الاوجاع قبل موعد الولاده بأسبوع تجيني تقلصات واوجاع واحسبها طلق بس طلعت تشاليع فقط اجه يوم الجمعه وبدت الاوجاع تكثر وضليت امشي واروح للجده تفحصني وتوسع عندي اصبع وكملت الاسبوع ٤٠ ودخلت بلاسبوع ٤١ رحت لدكتوره بس مو الاخصائيه لان صادف جمعه وماموجودين اخصائيين العصر فحصتني وكلتلي عندج اصبعين وولادتج اليوم او باجر ضربني اسهال مزمن كالو من علامات الولاده الاسهال وصبرت وزادت الاوجاع يوم السبت صبح نزلت السداده وكلت ياالله راح اولد بدء عندي طلق يزيد رحت للمستشفى فحصني كاالن ماعندج توسع بس اصبع روحي تمشي ساعتين ورجعي طبعا اني شفتهن يردن يجيبن واني كلت لامي طلعيني مابقه طلعت رحت العصر لدكتورتي الاخصائيه واهنا بدت معاناتي تكمله الولاده