العضوة: 1094005 , 3 years ago

تمام حمستوني اكتب تجربتي اليوم بإذن الله اكتبها لكم

العضوة: 1094005 , 3 years ago

تمم ان شاء الله تستفيدين من اللي جربته وفادني

العضوة: 1265034 , 3 years ago

@user-1094005 يارب ادعيلك والله بكل صلاة وكل رضاعه

العضوة: 1310511 , 3 years ago

بالنسبه الي برضع طبيعي واصطناعي عشي يريحني

العضوة: 1094005 , 3 years ago

بسم الله بكتب لكن سالفتي مع اعادة الارضاع ما ابي منكم إلا أن تدعون ان الله يخلي لي عيالي و زوجي ويطول بأعمارهم، اللي صار اني رضعت ولدي اربع شهور بعدها وقفت لسبب صحي شهر بعدها بلحظة صفا بيني وبين نفسي بعد ما زال العارض الصحي متشفقه ابي ولدي يرجع لصدري على طول جبت شفاطة كهربائية وحده قعدت اشفط ما طلع شي الا نقط قلت عادي لأني طولت ما رضعت ورحت ابحث ما ابي استسلم اتبعت جميع النصائح عدا وحده وهي اهم شي اني اخلي ولدي يرجع يرضع حلمتي طبعا استحالة حاولت معاه بشتى الطرق وسويت اكبر غلطة الا وهي اني غصبته يرضع مني هو يبكي وانا ابيه غصب يرضع لين شافني زوجي كذا قالي كلمي الدكتورة أفضل حجزت معها وحولتني على استشارية رضاعه قلت ابي حبوب ادرار قالت لااا اول شي نبدأ حبه حبه ما نفع اعطيك قلت انا بديت من شهر قالت إجراءات لازم بالتدريج يا حسافة الشهر اللي راح عالفاضي 🙂المهم رجعتلها بعدين قلت نفس الكمية نقط في اليوم اطلع ٣ مل بسس الحمدلله اقتنعت توصف لي الحبوب اللي هي DOMPERIDONE وزاد الحليب عندي بالتدريج لين صرت اطلع باليوم ٨٠ مل بعد اسبوعين من استعمال الحبوب الحمدلله بسم الله اللحين بقولكم ايش جدولي : ١_تضخين كل ساعتين لمدة ربع ساعه اقل شي كل جهه واذا نمتي بالليل بعد اربع ساعات تصحين وتضخين وتمسجين الصدر لين تحسينه طري وبعد الضح اعصري بيدك حاولي تنزلين كل شي لين يوقف . ٢_تحطين ولدك على صدرك تحاولين تخلينه يرضع لو بس يلعب فيها انا جربت اضحكه واذا ضحك ادخل حلمتي بفمه ألعبه فيها ونجحت بس مو دايما لأنه خلاص تعود عالرضاعه بس حاولي عادي وانتي تتابعين مسلسلك حطيه بحضنك وطلعي صدرك وهو يلعب ٣_الحبوب DOMPERIDONE بالنسبه لي بدونها مضيعة وقت كانت ضروريه لي ٤_الاكل والأعشاب الدافية والموية طبعا كلكم عارفين نوعية الاكل ايش ٥_مكملات غذائية انا اخذ حقت الرضاعه واوميقا ٦_ لا تطفشين انا بغيت ابطل ثلاث مرات بس كل ما اقرأ ان في امهات عانو زيي لين وصلو اتحمس وارجع احلب ٧_لا تستعجلين انا قعدت شهرين لين وصل اني اطلع باليوم ٨٠ مل ولسه باقي ما رجع مخزوني قبل لا اقطع الرضاعه كنت اطلع بالضخه الوحده ١٥٠ ماشاء الله وأحيانا الرضاعه تصير مليانه لازم افرغها وان شاء الله ارجع لهالمرحلة يتبع....

العضوة: 1094005 , 3 years ago

٨_نوعية الشفاطة مهمة انا كان عندي شفاطة وحده كانت تشفط تمام لما كنت ارضع ولدي بين الرضعات اشفط لكن لما وقفت رضاعه صارت ماتنفع هي نوعا ما تجارية مو أصلية مية بالمية قررت اجيب شفاطة للجهتين وكانت لا بأس فيها عليها مدح لكن برضو ما ناسبتني لين خلاص طفشت قلت مالي الا medela الي تستخدم في المستشفيات واللي مو متوفر عندها الصراحة ما ادري لكن بعض البنات قالو ان اليدوية كويسه لكن متعبه ٩_ترا مدة اعادة المخزون كامل يختلف من وحده لوحده يبغالها صبر وتحمل اذا عندك هذا الهدف تقدرين توصلين له ٩٥% من اللي يسوون اعادة ارضاع ينجحون فيها اصلا دكتورتي قالت إن فيه جده سوتها عشان ترضع حفيدها 😁 يعني مو شي مستحيل ابدا وبس ادعوا لعيالي وزوجي بالصحة والعافية

العضوة: 1330289 , 3 years ago

الرضاعة الاصطناعية عذاب جربتا بابني الصغير

العضوة: 1094005 , 3 years ago

ليه تعذبتي قصدك غازات ؟

العضوة: 1370036 , 3 years ago

ماشاء الله اللهم بارك.. الله يحفظهم لك ويرزقك اللي تتمنين يارب

العضوة: 1094005 , 3 years ago

الله يخليلك احبابك يازينك

العضوة: 1432890 , 3 years ago

@user-1094005 يعني الحبوب والتشفيط زودت حليبك طيب اذا ارضعه كل ساعتين م يحتاج رضاعه

العضوة: 1432890 , 3 years ago

@user-1094005 اقصد تشفيط

العضوة: 1094005 , 3 years ago

شوفي اذا ترضعين ولدك من صدرك لا تفكرين تدخلين صناعي انا ما ضيعني الا اني سمعت كلام البعض انهم يقولون عادي تجمعين بين الحليب الصناعي والطبيعي يمكن نفع مع ولدها بس مو كل الأطفال يقبلون الصدر اذا جرب الصناعي يشوف ان الرضاعه أسهل فليش يتعب نفسه لأنه في الصناعي يستخدم ٦ عضلات بس اما الطبيعي اذا 94 فتخيلي كيف السهولة

العضوة: 1094005 , 3 years ago

ايه ما يحتاج الا اذا تبين تخزنين حليب عشان مثلا تسوين له اكل فيه بس نصيحه لااا تعطينه حليبك برضاعه الا اذا اضطريتي انا كنت اشفط واحط على كلام بعض البنات لين صار يعصب اذا حطيته على صدري لأن الرضاعه أسهل له

العضوة: 1432890 , 3 years ago

@user-1094005 شوفي انا ارضع طبيعي وعمر ولدي ٧ شهور بس ودي يكثر حليبي اكثر