بنات انا اكتشفت سليفتي تطعني بظهري وتفتري علي عند الناس وقدامي مبينه انها تحبني ، انا لي ٦ سنين متزوجه علاقتي ب خوات زوجي واهل زوجي كويسه وسليفتي لها سنه متزوجه بالبدايه كانت طيبه بعدها بدات تتغير من كم شهر صارت كل شويه تتهاوش مع وحده من عايلة زوجي المهم اكتشفت انها عندي تسب خوات زوجي ولما تنجمع مع خوات زوجي تسب فيني وتشكي مني وانا اصلا بحالي وما اختلط معاها بس هي مركزه معي وتنقهر انه اهل زوجي يحبوني ويمدحوني وهي يعاملوها معامله سيئه بسبب تصرفاتها المهم بالصدفه كنت اتكلم مع خوات زوجي وكنا نتكلم عن سليفتي انه لاحظناها كلنا تقول كلام وافعالها تختلف عن كلامها يعني تكذب كثير وهم حكو لي موقف وانا حكيتلهم لحد ماصارحوني انها دايم تتكلم عني بسوء وانا اصلا علاقتي معها عاديه ورسميه وانا قمت حكيتلهم مواقف كثير تثبت ان سليفتي تكذب … المهم انصدمت خوات زوجي قالو انه سليفتي تقول لهم اني ما احترم امهم واني اسبها وحلفت يمين ! قمت قلت لهم اسالو امكم اذا هالكلام صحيح وسألوها قدامي و ام زوجي قالت اني ولا مره غلطت عليها.. وفي كلام كثييير سليفتي قالته عني كله افتراء وكمان كانت تفتري ع خوات زوجي انهم يتكلمو عني بسوء وواجهتهم طلع انه سليفتي تكذب على الكل وتحاول تفتن بيننا …. المهم ابغا حل كيف اتعامل معاها بعد هذا كله وبنفس الوقت انا وخوات زوجي قررنا مانواجهها حالياً نبغا نشوف لوين بتوصل بس كيف اتعامل معها لاني الفتره الاخيره كنت اسولف معها ونضحك ونجلس سوا كأننا صاحبات لو يتغير تعاملي معها وسالتني عن سبب التغير وش اقلها لانه قررنا نواجهها بعدين مو الحين،.. وكيف اتعامل معها لانه هي ساكنه بنفس العماره يعني اشوفها كل يوم
العضوة: 2310767 , 42 minutes ago
احضريها من كل المواقع ولاطبيلها بيت لا زيارات عائليه ولا هم يحزنونالعضوة: 2071424 , 40 minutes ago
@user-2310767 هي معي بنفس العماره نشوف بعض كل يوم لو اسوي حظر بتكثر المشاكلالعضوة: 2150319 , 27 minutes ago
@user-2071424 بصراحة أنا عندي قناعة ثابتة ماتتغير ولن تتغير، اللي يتكلم عن الناس قدامك، أكيد بيجي يوم ويتكلم عنك عند هالناس من وراك! كان المفروض وقت تتكلم عن اهل زوجك بسوء قدامك إنك توقفيها عند حدها وتقولي لها بأدب لاتغتابيهم أنا ما شفت منهم إلا كل خير الله يستر عليهم، وتغيري السالفة على طول أو توقفي كلام معاها، هذا التصرف يدل على قوة شخصيتك وادارة الحوار، وعشان تفهم كمان إنك ماترضي عليهم الغلط وتحترمك وتعرف حدودها معاك بعد كذا وتعطيك الف حساب الأفضل مع هالنوعية يا تحطي بينك وبينها حدود واضحة جدًا، يا تختصري التعامل لأبعد درجة ولا تعطيها مساحة ولا تفاصيل عن حياتك، خليك رسمية معاها ولا تحتكي وتتكلمي معاها كثير مو لازم كل أحد في حياتك يكون قريب منك، في ناس مكانهم الطبيعي يكونوا فقط كمعارف، خصوصًا زي اللي امثالها هذي ما تنفع لها لا طيبة زايدة ولا ثقة، عامليها بحذر وحطي مسافة بينك وبينها، لأن راحة بالك أهم من أي مجاملة على حساب وضياع نفسك.العضوة: 2071424 , 24 minutes ago
@user-2150319 كنت اسمعها واسكت لان كانت تشكي منهم بمواقف انه يعاملوها بجفا وانا كنت ارحمها خصوصا انها صغيره بالعمر ،، كثير مرات كنت امدح خوات زوجي قدامها كنت اذا مدحتهم تستمر تذم فيهم بس غلطي اني ماكنت اسكتها لان استحي منها للاسف كنت اسمع لها واسكت بس خلاص من اليوم ورايح معاد بسمع لها بغير تعاملي تماماالعضوة: 2254405 , 23 minutes ago
نصيحه مني علاقه زوجيه ناجحه مع زوجي واهله حاولي قد ماتقدرين جلساتكم كلها عن الاطفال العمل أشيا خارج بيتك واذا جت وحده بتفضفض لك عن زوجها من سلفاتك قولي اشكي لربك ولاتسمعين لها حتى أنا صارلت لي مشكله بس عشان سلفتي كانت تشكي لي من زوجها وفجا اكتشفت انها الي كانت تشكيلي منه وتسبه حطته براسي وانا حرفياً بس كنت مستمعه والحين اخذته درس اي وحده بتفضفض اطلع من الموضوع مايعني لي ومثل ماقتلك خلي جلستك سوالف وضحك وبدون تمييز وحاولي ماتعطين لاحق ولا باطل