انا كنت حامل ف بنوته وربنا يعلم كنت بتمناها أد ايه لان ماليش اخوات بنات وماتت ف بطنى فالشهر الخامس وقعدت اسبوع ميته وانا معرفش وبدون اى انذار او تعب رايحه المتابعه بتاعتى لقيت الدكتور بيقولى مفيش نبض وطبعا دخلت عمليات ونزلوا البنت واتدفنت من غير ما اشوفها حتى 😥 وبعد تحاليل كتير بعد الاجهاض عرفت ان حصل تجلطات فالمشيمه والدم مكنش بيوصل ليها كويس بعد كده بقت تظهرلى جلطات ف رجلى ودرعاتى بعدها بـ3 شهور ربنا كرمنى وحملت تانى وربنا فرحنى وعوضنى بتوأم مكنتش مصدقه لما عرفت وبقيت اقول ده عوض ربنا ليا ومن قبل ما اكتشف انى حامل والدكتور كتبلى ابر كليكسان للسيوله ومشيت عليها وكانت الامور تمام وصلت نفس الشهر الخامس ونبض بيبى منهم وقف طبعا الصدمه كانت اكبر بالنسبالى انا دلوقت لسه فأول الشهر السادس بس مبنامش من الرعب والخوف والتفكير بفكر ف يوم الولاده مش عارفه هفرح ان ابنى هيتولد ولا هحزن ع ابنى التانى اللى هيتدفن وهياخد حته من قلبى معاه ومن وقت ما حصل كده وجرعة الكليكسان اتضاعفت وحقيقى تعبت وجسمى مبقاش فيه مكان سليم من كتر الابر بس الحمدلله ع كل حال مش محتاجه غير دعواتكم فالايام المفترجه دى ادعولى ربنا يهون عليا ويكملى ع خير ويجيبلى ابنى بالسلامه واخده ف حضنى ويعوضنى عن كل التعب اللى شوفته ده كله ويصبر قلبى