آداب زيارة المولود الجديد 👶🏻😒 1- يفضل في أول أيام الولادة الاطمئنان بالهاتف عن صحة الأم والمولود. ٢- لا تحملي الطفل الرضيع ما لم يسمح لك. غالبا ما تكون مشاعر الأبوة والأمومة في ذروتها خصوصا بعد ولادة الطفل الرضيع، لذا توخي الحذر ولا تطيلي النظر إلى المولود أو تقومي بحمله أو نقله من غرفة الأم كأنه لعبة جديدة ٣- لا تبوسي الطفل بتاتااا! فالجراثيم قد تسبب له الامراض او حتى الوفاة . ٤- لا تروحي اذا كنتِ مريضة؛ والله ما حدا بيعتب عليكي اذا اتصلتي و اعتذرتي. ٥- لا تصوري الطفل الرضيع الا بعد استئذان امه، و لا تنشري صوره على مواقع التواصل الاجتماعي الا بعد موافقتها. ٦- كوني خفيفة الظل مهما كنت قريبة ، زيارة خفيفة نظيفة. تنسيش انه الام اكيد بحاجة للنوم والهدوء اثناء غفوات صغيرها. ٧- لا تسالي الام اذا كانت ناوية تجيب بيبي تاني. اتركيها بحالها؛ و لا تستهوني وجعها باستخدام السمفونية الشهيرة "اي شبك القطة بتولد"!!!. ٨- اذا كانت المولودة بنت لا تواسيها للام و تقوليلا "الله يبعتلك صبي و معليش لا تزعلي اللي جابت البنت بتجيب الصبي..." البنت متلا متل الصبي و ما حدا زعلان من جية البنت ريحي حالك انتي ٩_ لا تنتقدي الاسم اللي اختاروه، اذا ما عجبك احتفظي برايك لحالك، الناس اذواق و بعدين اكيد هن ما اختاروا اسماء اولادك. ١٠- اذا عندك نصيحة حلوة قوليها بدون ما تهزئي الام وتتفلسفي عليها... و لا تقضي الزيارة انتقادات على هيك بصير و هيك ما بصير. احترمي خيارات الام و قوانينها و الاسلوب اللي متبعتو مع طفلها، بلاها النصائح الذهبية تبع شيلي من ايدك هلق بيتعود عالحمل و لا تعطيه صناعي و لا تعطيه لهاية و اللذي منه 👇🙂