رح احكيلكم تجربتي بالولادة المبكرة ولدت ع ٣٤ أسبوع كنت أتابع بمشفى حكومي لحتى أصرف إبر المميع وكنت كل كم يوم اروح ع طوارئ وكانو يحكولي كلشي تمام اكتر من مرة حكولي اشي عظمة الفخذ أصغر بأسبوعين اشي البيبي أصغر من عمره وعملت 4d ثلاث مرات وكنت اتابع دكتورة خاصة كمان للإطمئنان كان عندي فحوصات وهيك بعثتهم للدكتورة ما ردت وأنا هاد اكتر شي خط احمر بالنسبة إلي لأنه فرضا المريضة بوضع حرج أو اجت حالة ولادة وانتي ما رديتي انا شو استفدت منك ومن شطارتك 🤷🏼‍♀️ المهم هاد كله من ربنا حتى اروح أغير الدكتورة فجأة لدكتورة ابدا لا بعرفها ولا سامعة فيها وحكيت بشوف المشفى نفسه إذا منيح بولد فيه رحت ولا الدكتورة بتحكيلي حبيبتي المي جدا قليلة ع البيبي وبدك مراقبة ومضادات حيوية وكونك بالثامن البيبي رح يحتاج خداج وطبعا كلنا بنعرف قديش الخداج مكلف نصحتني ارجع ع الحكومي مشان الخداج وفعلا رحت عليهم فحصوني حكولي المي عندك 9 يعني عادي طبعا هدول مقيمين تاني يوم رحت ع دكتورة ثانية لحتى أتأكد وأشوف مين كلامه صح الدكتورة الثانية حكتلي المي 4 اذا نزلت اكتر من هيك بولدوكي طبعا كنت ماخدة إبرة الرئة ومضادات حيوية بناءا ع كلام الدكتورة الاولى بس حكولي راقبي الحركة اذا قلت دغري بتروحي ع طوارئ تاني يوم كان الخميس وصحيت مو حاسة بحركة ورحت ع طوارئ حكولي مو وضع ولادة والمي عندك بتتحمل وتخطيط البيبي منيح وانا احلفلها مو حاسة بحركة حكولي خلص انتي بتروحي بس تطلع فحوصاتك اجا دكتور فجأة ع القسم قبل ما يروحوني سألوه ع الوضع وهيك حكالهم هاي قيصرية مستعجلة شو بتستنو والبيبي رح يحتاج خداج جهزوله حاضنة ولدت قيصري بنج نصفي كان وزن البيبي قليل 1900 وبعد الولادة لغاية اسبوع كان وزنه نازل ل 1700 طلعوه بعد 6 أيام ع البيت وكان ماخد عدوى رشح واحتقان وهم يحكولي لا كلشي تمام بعد كم يوم أخذته ع المستشفى لأنه ما برضع منيح ووزنه قليل كتير ولونه اصفر وبستفرغ من أنفه رجعوه ع الحاضنات كمان اسبوع وقبل اسبوع طلع حالياً صرلي شهر والدة وبرضه حاسة البيبي وزنه مش زايد بس الحمد لله ع كل حال أي وحدة بتحس فيكم بأي عرض لو كان خفيف ما تستنى والله يقومكم بالسلامة جميعاً