مرحبا بنات بقولكم قصتي انا متزوجه لي 5 سنوات وبيوم زوجي تغير صار يخبي الجوال وصار بس ع جواله دايم ومطنشني صح انه مو مقصر بالماديات لكن يمّن كثير .. وكنت اذا طلعت معاه تمشيه كان بالغصب وكان طول الوقت مطنشني واكلمه يطنشني وحنا طالعين ، المهم مع الايام ولدت وكان يجيني عند اهلي يقعد 5 دقايق ويروح ويرفض يقعد وبس ساكت اذا جاء وماغير يشرب فنجال قهوه ويقوم وحتى اذا جاء زياره لي كنت اوقف واستقبله عند اهلي وابتسم له لكن هو كان مكشر وملامح وجهه عاديه ، عكس لما امي تستقبله تكون ابتسامته شاقه وجهه ، وكنت ارسله ستريكات واصور له ولدي كان مايهتم وكنت ودي نكلم بعد حتى لو كنت نفاس المهم حتى كان يتعذر يقول بروح انام انا بكرا عندي دوام .. وبعدين وانا بنفاسي دخلت ع استغرامه وهو كان كاتب اسمه اصلاً وشيكت عليه لقيت ضايف بنات كثار وحساباتهن يعني خاصه حقت يوميات ودخلت على وحده خاص لان كنت بختبرها ولان هي من لما هو ضايفها وهو متغير علي .. المهم دخلت عليها خاص وقلتلها هاي انتي زوجة فلان(وذكرت اسم زوجي) قلت مبروك زواجكم وهي قالت مين انتي قلت وحده من جماعتكم ببارك لك وقالت اي مين زوجي اذا بتباركين لي وانا ذكرت لها اسم (زوجي) وكانت هي تتمسخر علي وتقول اي ماشاءالله اوكي الله يبارك فيك وبعدين قالت دقايق وراحت وبعدين مااخذت خمس دقايق الا زوجي يرسلي بدون سبب وكاتب ( صباح الخير ) وانا طنشته ادري انها علمته وهو شك فيني .. المهم وهي لما رجعت فحاءه انقلبت علي وقالت انتي مسكينه وضعيييفه وكذاابه تحلفين ع الشي وانتي كذابه حتى تحلفين ب اهلك وانتي كذابه (المشكله اني ماحلفت بشي وماجبت طاري الحلف ب اهلي ولا اي شي ) وبعدين انا قلت لها "" انتي علامك ""وبعدين هي كبجررت المحادثات وارسلتهم لي وقالت ها شوفي كبجرتهم وقالت الاسبوع الجاي قولي لعمتك اني اهددك ( تقصد عمتي ام زوجي ) ..... المهم بعدين زوجي لما طلعت من الاربعين صار يقول لولدي دايم بدون سبب انت علامك انت علامك وانا كنت بس ساكته واسوي نفسي ماادري .. ورحت للاهل زوجي وكنت الاحظ عمتي و ولدها الكبير يناظرون لولدي ويقولون له انت علامك انت علامك ويكررون الكلمه ويضحكون .... وحتى زوجي كان يقول كذا قدامهم وانا كنت مقهوووررره مررره ... ومع الايام تهاوشت مع زوجي وقالي انتيي ضعيفه ومسكييينه اصلاً ( وتذكرت كلمت البنت حسيت انه هو وياها يقولون هالكلمه عني )) ... ومع الايام قوية نفسي وجيت عند ولدي قدام زوجي وقلت انت علااامك وزوجي طارت عيونه وعدل جلسته وكانه فزع من مكانه وسكت ... وبعدها صار منطم مايكررها الا بعض الاحيان لكن اعيدها وراه وينطم عكس اول ..... وبعدين مع الايام انا فتحت جواله ودخلت ع استغرامه ودخلت ع محادثاته هو وياها ولقيته مرسل لها ( تلعبين معي لودو؟) وهي قالت له لا مااقدر عندي خواتي ...... ف يابنات مرّ ع هذي السالفه 11 شهر وللحين بقلبي وربي مااانسيت ... ودايم دايم افكر اقول اذا امه واخوه قالو نفس الكلمه ويكررونها بدون سبب كيف عرفوا ؟ يعني هو معطيها رقم امه وقال كلمي امي واقلبي السالفه ع هذي عشان هو ماينكشف ولا زوجي قايل لهم السالفه لكن مغير بعض الاحداث يعني ماقال انها بنت!! ... يابنات وربي دايم هالسالفه ماتطلع من راسي مقهووووره مقهوووووررره .... غيييير ضربه لي قبل حتى قد ضربني عند اهله وسمعوا صراخي وضربه لي كان بدون سبب وكان بس على الالعاب المختلطه وجواله كله ارقام بنااات وارقام سودانيات .... ومهمشني حتى اقوله كلام حب وحلو مايعبرني واصلاً قبل هذي السالفه كنت ارسله مقاطع حب كان يفتح الرساله ومايرد .... وحتى اذكر اول ليله من زواجي قالي كلمه ما انساها قالي ( الله يوفقك ويجزاني خير ) وللحين منصدمه من كلمته ماادري ايش خوافيها وايش قصده .... يابنات هل اللي انا سويته غلط ؟ كيف اهله كذا يقولون نفس الكلمه بدون سبب ؟ يابنات وربي اني مقهوره لما هي راحت كلمته تعلمه ورجعت لي وقالتلي انتي اصلاً ضعيفه ومسكينه وهو بعد كم شهر قالي نفس الكلمه واحس اني مكسووره كيف تقول عني كذا انت وهي البنت اخ الله لايوفقها ويفجعها بنصيبها وبعمرها كانت شايفه نفسها وتتلفظ ب الفاظ قذره الله يفجعها بنصيبها يارب .... والله يابنات عجزت اتخطى وودي اتطلق بس امي رااافضه وتقولي دامه يصرفك ماله داعي الطلاق لكن حنا علاقتنا بس قيام بالواجبات مافي بينا كلام حب ولا طلعات ولا جيات ولا رسايل حتى لما استقبله من الدوام برغم كل اللي سواه كنت استقبله وانا اضمه وارحب فيه لكن هو مكشر ومايرفع يده يضمني وكان مايعبرني وكنت دايم اجي اضمه كان مايرفع يديه يضمني ابد ابد .... والعلاقه بيينا بالاسبوع مرتين وباقي الايام يروح اخر السرير ويعطيني ضهره او يقولي انا تعبان خذي ولدك وروحوا برى واما ادخل عليه القاه يتابع افلام كوريه برغم اصلاً ماكان يتابعهم ويكررههم ....... وحتى يابنات لما اقول لكم لما كنت نفاس كان يجي 5 دقايق ويروح ومايقعد عندي وبس ساكت مايسولف ويدخل مكشر بدون سبب رغم اني ابتسم له ( اللي ذكرته لكم فوق) وكان يقولي بروح انام عندي دوام بكرا برغم انه كان يجي ساعه 7 العشاء بدري اكتشفت لما فتشت جواله انه كان يسهر الى الساعه 5 الفجر وكان يراسل البنات ويسولف معاهن وكان اذا جت الساعه 5 يقول لهن يلا انا بنام بكرا عندي دوام اذا رجعت اكلمك ( يقصد الي يكلمها ، انا اقرأ محدثاتهم ) .......والله يابنات وقتها انقهرت .................. وحتى بس يهددني بالزواج دايم دايم حتى والله يابنات اخر مره كان نازل له حساب مواطن وانا كنت مخليه لي معي من مصروفي وقالي جيبي دجاج وانا رفضت قلت انت رجال البيت اذا محتاج فلوس قولي اعطيني فلوس وسلفيني لكن لاتقولي جيبي دجاج كل مره تقولي كذا وانت نازل لك حساب مواطن وقالي هين والله لااجيب الثانيه ..... والله تعبت منه يابنات