كل ماصورت لاهلي شيء مثلا بنتي يركزون على لبسها او البيت و يعلقون و كل ماجيت عندهم يعلقون على اللبس يقولون اشتروا لها لبس ! خلي ابوها يشري لها ،، قلت انا و ابوها نشري دايم و نشري اغلى و افضل شيء و قلت اللي عليها هذا من محل براند مو رخيص و ذوقي و عاجبني و مرتب! قالوا لا بس نبي لها شيء احلى! و هذي سالفتهم انا جيتهم امس بحكم الاجازه بدات قلت اغير جو عندهم شوي بما ان كل الاهل متجمعين طبعا دخلت عليهم امي وجدتي وخالاتي بسلمون علي و هم جالسين و مالهم نفس مافي الا خالتي وحده وقفت لي والثانيه ظهرها يعورها عذرتها و ماجابوا قهوه ولا شيء ! انا جايه من سفر يسالوني ها تبين قهوه؟ نسوي؟ قلت كيفكم مايحتاج حسوا اني تحسست راحوا جابوا قهوه بدون نفس و امي ساحبه علي تسولف مع خالتي و ساحبه على حفيدتها ماتعطيها وجه الا قليل تسليك و الكل كان لابس لبس شتوي حرفيا ثقيل هم و اطفالهم و قبل شوي شافتني جدتي انا بعد لابسه لبس يعتبر ربيعي شتوي حلوو مره و بنتي شتوي لانها طفله و الجو بدا يبرد و هذا الطبيعي و الكل حرفيا لتبس نفس الشيء ظبعا جدتي تركتهم كلهم و حت قالت لي ترا مو لازم تلبسين شتوي ؟ توه حر ماجاء البرد؟ قلت لها امس الكل لابس شتوي غريبه ماقلتي لهم احنا نبي نصير زيهم ماحنا لابسين صيفي و غير كذا بنتي صغيره تبرد ماني ناقصه تمرض علي و طلعت تركتها يعلقون على لبسي و لبس بنتي بشكل اللي يشوف يقول ماعرف البس و انا والله صاحباتي و اهل زوجي و حريم خوالي يمدحوني يمدحون كشختي دايم بس هم شيء غريب ماعمرهم مدحوا لبس لبنتي و حتى صبغت شعري ماحد علق! ارسلت لامي صبغتي فتحت و ماردت و بعده بكم يوم راحت هي تصبغ شعرها و امس تقول كيف شعري ؟ حلو قلت اي حلووو خيال و تدكرت هي ماعلقت على صبغتي ابدا و قلت ميخالف هذي امي لازم اكون احسن و امدح و هذا طبعي اصلا الكلمه الحلوه على لساني دايم بس هم مدري وش فيهم كذا بدات اتضايق من الجيه عندهم مع العلم امي تمدح اي احد و كل خالتتي وبنات خالتي تقطعهم مدح