بنات صارت مشكله بيني وبين زوجي و عطاني كف على طول جلست ابكي لين صرت اشهق كثير على طول خاف و حضني و جاب لي مويه و قام يمسي علي و انقهر من نفسه لكني ضليت ساكته و ابكي و اليوم الثالث ما اكلمه لين يكلمني ارد على قد الشي الي يسأله ما اطبخ له ولا سويت شي و اهلي بعاد بمنطقة ثانيه و السالفه صارت وانا توني جايه من عند اهلي يوم واحد بس وصارت السالفه ، أنا حامل و لو قلت حق ابوي اقل شي بيسويه انه بيشتكي عليه ويسجنه لانه ابوي ما يحبه ولأن مره عطاني كف ودقيت على ابوي و جا ابوي اخذني للشرطه و قدم فيه بلاغ و ضليت عند اهلي شهرين وبعدين سامحته ، يومي كنت عند اهلي ضليت ٥ ايام بس وشفتهم منزعجين من ولدي بزياده و قررت امشي ارجع البيت ، أنا مقهوره منه لانه دايماً عودني على انه يحبني و يهتم فيني وانا حبيته والله ، جالس يحاول الحين بكل الطرق اني اسامحه لكن مو قادره اسامح لان مو اول مره ، أنا ماعشت مرتاحه في بيت اهلي لان كنت أتعرض لتحرش و كانت امي دايم مع اخوي ضدي ، الحين توه صار عمري ٢٠ سنه و كنت افكر زوجي هو العوض ، صحيح انه ندمان و جالس يحاول اسامحه ويقول لي ماقدر افرط فيك و احبك وكلام كثير لكن طول وقتي ساكته ، قلبي وصدري يوجعوني مره كان شي ينهش فيهم قسم بالله 😭جيته من بيت اهلي مبسوطه و مشتاقه له وهو نفس الشي كان وفجاه صار الزعل ووصلت انه يصفقني ، مو عارفه وش اسوي يا بنات انصحوني و اعتبروني اختكم والله العظيم ما تكلمت عندكم إلا لان ماعندي من اتكلم له ولا عندي علم وش اسوي أصلاً عايشه بصدمه و قلبي مكسور وجهي تغير شكله وصار اصفر وانا اصلاً توني بالشهر السادس و الدكتوره قالت لي قبل اسبوع ان راس البيبي بالحوض لان من بداية حملي ماكان ثابت الحمل ، لا تقولون لي اسامحه بدون ما اسوي رادع قوي لهالموقف لاني سامحت بما فيه الكفايه لين صار يفكر اني بسامحه على اي شي يسويه ، عطيت فرص وسامحت لاني احبه ولاني اشوف حبه لي لكن بالموقف ذا ماقدر امشيه و اخليه يمر مرور الكرام 💔 سألتكم بالله علموني وش اسوي يشهد الله اني اكتب وانا قلبي متقطع ومتدمره نفسياً و جسدياً و روحياً والله يا بنات والله اني اتمنى الموت لان ربي ماعوضني باهل صالحين ولا زوج خاف علي قبل يسوي هالتصرف